Cabernet Franc

Tlhalošo

Cabernet franc ke mohuta wa beine wa morara, o moso, o šomišwa tšweletšo ya beine e khwibedu ya ditafola. Go thwe ke beine ya kgale, ya maemo a godimo yeo e sa lego mo tšweletšong. Nyakišišo ya DNA e šišinya gore mohuta wo, o ka ba ngwana wa mohuta wa kgale; Biturica, mohuta o hlamilwe kua Basque, Spain bjalo ka Cabernet franc.

Mohuta o tsebega o le phesente ya mehuta ya merara e lemilego matšatšing a lehono: Kopano ya yona le Sauvignon blanc e tšweletše Cabernet Sauvignon, gomme le Magdelaine noire e tšweletše Merlot.

Tlholego

Go kgolwa gore Cabernet franc e ile Spain kua southwest ya France, gomme go lebogwa baiti ba boelago go tšwa Saint Jacques de Compostela go ya France. Legend o nagana gore cardinal De Richelieu o tšere mašaledi a go tšwa southwest ya France a be a a bjala mollwaneng ya nokz ya Loire.

Maina a Mangwe

Mohuta wo o tsebega ka maina a mangwe bjalo ka; Achéria, Bidure, Boubet, Bouchet, Cabernet gris, Carmenet, Cabernet Franco le Véron.

Tšweletšo mo Afrika Borwa

Ga go tsebege gore Cabernet franc e tlišitšwe neng mo Afrika Borwa, e fela profesa Abraham Izak Perold o setše a eleditše temo ya mohuta wo, ka ngwaga wa 1920 kagobane e na le bokgoni ba go tšweletša dibeine tše bose, tša khwalithi.

Gagolo mohuta o be o šomišwa go tšweletša setaela sa Bordeaux go fihlela ka ngwaga wa 1998 ge Norma Ratcliffe wa go tšwa Warwick Estate kgaušwi le Stellenbosch, ya ba moAfrika Borwa wa pele go ntšha mohuta o tee wa beine e.

Dilete tša Tšweletšo

Lefelo le le tšweletšago Cabernet franc le sa iketlile go thoma ka 2009, le emela phesente e tee gare ga palomoka ya mafelo a go tšweletša dibeine mo Afrika Borwa. Le ge mohuta wo, o bjetšwe dileteng kamoka tša go tšweletša dibeine, e fela lefelo le legolo la tšweletšo ke Stellenbosch, e be go latela Paarl.

Go Gola

Cabernet franc e gola ka pele gomme e na le puno ya palo ya ka magareng ya go lekana le 10 t/ha to 14 t/ha.

Go Butš

Merara e butšwa lata, magareng a sehla go thoma magareng a Matšhe.

Dithetlwa

Dithetlwa di na le mmala o moso, sebopego sa nkgokolo le bogolo bjo bonnyane, e fela ke tše kgolo nnyana go fetiša dithetlwa tša Cabernet Sauvignon. Letlalo la gona ke le mosese e bile le tile. Mola nama ya gona e na le tatso ya bjang.

Matlakala

Matlakala ke a matala e fela botala ba gona ke bjo bofefe nyana go fetiša matlakala a Cabernet Sauvignon, a na le bogolo ba magareng, sebopego sa nkgokolo le mathoko a ,matlhano.

Dikhukhwane le Malwetši

Mohuta o bokoa go maboya a golago mo dibjalong. (powdery mildew.)

Šomišo

Cabernet franc ka tlhago e šomišwa go tliša dinkgišabose le spice go Merlot le Cabernet Sauvignon ka setaele sa motswako wa Bordeaux. E hwatša tumo mo Afrika Borwa, bjalo ka mohuta wa beine o tee.

Tatso

Dibeine di ka tšweletša di tatšo tša go fapana bjalo ka tatso ya bjang goba ya dithetlwa le seenywa se se ntsho le setho sa pherefere e ntsho le tobacco.Translated by Lebogang Sewela