Cabernet Franc

© Glenneis Kriel

Ihlathululo

I-Cabernet franc mhlobo wamaderibe wewayini wombala onamakelo anzima osetjenziselwa ukukhiqiza umhlobo wewaini ebovu yetafuleni.

Kukholelwa bonyana mhlobo omdala khulu wewayini ebovu esatholakala emkhiqizweni, ngokuthi ihlaziyo lehlelo lokuhlola ifuzo i-DNA lihlongoza kwanga mhlobo oziveleleko nangabe awuhlobani naloyo omdala i-Biturica, ngokuthi nayo i-Cabernet franc idabuka e- Basque, Spain.

Umhlobo lo uthathwa njengoloyo ozale imihlobo eminengi yamaderibe eqakatheke khulu netjalwa amalanga la: ekumhlobo ophakathi kwawo lo kanye ne-Sauvignon blanc okhiqize i-Cabernet Sauvignon kanye ne-Magdelaine noire okhiqize i-Merlot.

Indabuko/ Imvelaphi

Kukholelwa bonyana umhlobo lo i-Cabernet franc yasuka enarheni ye-Spain ukuyela esewulatjhingalanga ye-France begodu lokho misebenzi emihle yabavakatjhi abasuka e-Saint Jacques de Compostela baye e-France. Abomakekere baveza bonyana u-De Richelieu wathatha inqunjwana zawo ukusuka esewulatjhinga ye-France bewazitjala magega nemibundii yemilambo ye-Loire River.

Amanye Amagamawo

Umhlobo lo waziwa ngemihlobohlobo yamagama, afaka hlangana; Achéria, Bidure, Boubet, Bouchet, Cabernet gris, Carmenet, Cabernet Franco kanye ne-Véron.

Umkhiqizwawo eSewula Afrika

Akukaqinisekiswa bonyana i-Cabernet franc yangeniswa nini eSewula Afrika ukusuka eenarheni zangaphandle, kodwana uPhrofesa Abraham Izak Perold besele aphakamise ukutjalwa kwawo ngeminyaka yabo-1920s, ngebanga lawo lokukhiqiza imihlobo yamawayini aphuma phambili. Umhlobo lo begade usetjenziswa khulu ukukhiqiza imivango nendlela ebizwa i-Bordeaux-style ukufikela ngomnyaka ka-1998 lapho u-Norma Ratcliffe we-Warwick Estate eduze ne-Stellenbosch, abamuSewula Afrika wokuthoma ngokuyikhipha njenge wayini yomhlobo ongakavangwa.

Umkhiqizo Weemphande

Umkhiqizo eendaweni ze-Cabernet franc besolo udzimelele ukufikela ngomnyaka ka-2009, begodu ijamele iphesende elilodwa esibalweni soke esingaphasi komkhiqizo wamaderibe eSewula Afrika. Njengombana umhlobo lo utjalwe kizo zoke iindawo ezikhiqiza iwayini enarheni, indawo yomkhiqizo omkhulu yi-Stellenbosch, ilandelwe yi-Paarl.

Ukukhula Nokuthela Kwawo

I-Cabernet franc mhlobo okhula khulu nangamandla, kuthi isibalo somkhiqizwawo sibalelwe ukusuka ku-10 t/ha to 14 t/ha.

Ukuvuthwa

Amaderibe la avuthwa ngokukhamba kwesikhathi ukusuka phakathi kwenyanga kaNtaka.

Umomori

Abomomori bakhona banombala ohlaza okuvangeke ngonzima, barondo begodu bancani, baqinile nokho bakhudlwana kunalabo be-Cabernet Sauvignon. Amakelwabo amatsikana begodu aqinile, kuthi ingaphakathi iqinile kanye nenambitho lotjani.

Amakari

Amakari anombala ohlaza satjani okumnyama, nokho wona akhanya khudlwana kunalowo wamakari we-Cabernet Sauvignon, anobukhulu obuphakathi, arondo kanti anencenye ezizimpenda ezihlanu.

Iintjhabalalisi Kanye Namalwelwe

Umhlobo lo uvame ukusahlelwa khulu kukonakala kokuba nephutjhana nofana ukutjhwaba.

Umsebenzawo

I-Cabernet franc iyindlela ejayelekileko yokufaka umnuko kanye nesithako (spice) emhlobeni i-Merlot kanye ne-Cabernet Sauvignon emivangweni yezinga eliphezulu le-Bordeaux-style blends. Ithola idumo elinengi eSewula Afrika njengomhlobo wewayini engakavangwa.

Umnambitho

Iwayini le ikghona ukupha umnambitho ohluka ukusuka kowotjani ukuya kewamamomori kanye neenthelo ezimnyama, kube neboncani bama-black pepper kanye negwayi.Translated by Johannes Nkosinathi