Cabernet Franc

Ṱhaluso

Heyi ndi veini ya nḓirivhe dza lukanda lutsu ine ya shuma u bveledza veini dza ṱafulani. Huna lutendo lwa uri ndi yone ine ya ḓivhea sa khulwanesa kha veini tsuku ine ya kha ḓi vha kha bveledziso, hune dzi nga kha ḓi vha vhushaka kana hu Biturica, ine ya tou nga Cabenet franc ine ya bva Basque kha ḽa Spain. Muri hoyu ho wanuluswa uri ndi vho makhulukuku ya dzinwe dza dzi veini dzine dza ḓivhea dzine dza khou wanala musalauno. U ṱangana hayo na Sauvignon blanc yo bveledzaho Cabernet Sauvignon na Magdelaine na noire ine ya bveledza Merlot.

Vhubvo

Huna lutendo lwa uri uri yo ya Spain na vhukovhela ha tshipembe ha France hu tshi livhuwiwa zwihulwane Pilrims uri i kone u vhuya ubva Saint Jacques de Compostela uya France.

Mazhakanḓila vha ri cardinal De Richelle ndi ene we a ḓo dzhia dzinwe dza dzi thanda ubva vhu vhukovhela ha tshipembe ha France a dzi ṱavha tsini na mulambo wa Loire.

Manwe Madzina

Muri hoyu u dovha wa ḓivhea nga ḽa Acheria, Bidure, Boubet, bouchet, Cabernet gris, carmenet, Cabernet franco na Veron.

U bveledzwa kha ḽa Afrika tshipembe

A zwithu tou ḓivhea zwavhuḓi uri muri hoyu wo swika lini kha ḽa Afrika Tshipembe, fhedzi muprofessa vho Izak Perold vho rwela ṱari uri itea u ṱavhiwa nga ṅwaha wa 1920 nga mulandu wa uri iya kona u bveledza veini ya vhuḓi.

Muri wo thoma u tshi tou shuma sa veini ya u ṱanganiswa na dzinwe hangei Bordeaux u swika nga 1998 musi Norma Ratclife wa u bva Warwick estate kha ḽa Stellenbosch, a tshi vha muthu wa u tou thoma kha ḽa Afrika tshipembe wa u ita i so ngo vanganywa na dzinwe.

U Bveledzwa kha Manwe Madzingu

Hune ya bveledzwa hone ahu shanduki ubva kha nwaha wa 2009, hune ya ḓivhea nga maanḓa ndi fhethu huthihi kha ḽa Afrika Tshipembe hune ha bveledzwa hone veini, hune ndi hu hulwanesa kha hoṱhe ha vha Stellenbosch ha tevhela Paarl.

U Aluwa

Iya aluewa nga maanḓa hune ya swika henefha kha 10t/ha uya kha 14t/ha.

U Kaṋiwa

U lenga zwituku kha khalanwaha henefha vhukati ha ṅwedzi wa Ṱhafamuhwe.

Mitshelo

Mitshelo ya hone ina muvhala mudala wo yaho kha mutsu, ya vha miṱuku ya ita tshipulumbu, ya hula zwiṱuku u fhira ya Cabernet Sauvignon. Lukanda ndi lusekene lwa khwaṱha ngeno zwa nga ngomu zwo khwaṱha na muthetshelo wa mahatsi.

Maṱari

Matari ana muvhala mudala wo dombilelaho, fhedzi avha o tshena zwituku musi atshi vhambedzwa na a Cabernet sauvignon, avha na tshivhumbeo tsholinganelaho, a ita tshipulumbu avha na vhana vhaṱanu.

Zwiḽi na Malwadze

Ai anḓani na murotho wo kalulaho na zwivhungu.

Mushumo

I shuma u ḓisa munukhelelo na merlot ya spice na Sauvignon i tshi khou tanganiswa na Botdeaux. I khou thoma u ḓivhiwa vhukuma kha ḽa Afrika tshipembe sa veini ine yo ḓi imisa nga yothe.

Muthetshelo

Veini inga ḓisa muthetshelo une wa nga mahatsi kana wa dzi ndirivhe na mitshelo mitsu ine ya vha na black pepper na tobacco.Translated by Khalirendwe Nekhavhambe