Balemrui bja swanetše go ka hlola mašemo a bona ka mehla go hlaola mathata a dikhunkhwane le malwetši pele ga ge tše di tšwa taolong. Disenyi le malwetši a mangwe a ka alafšwa ka go fodiša, mola a mangwe a swanetše go alafšwa ka thibelo ge mabaka a tliša tlhabollo ya bona.
Dibolayasenyi, le ge go le bjalo, ga di a swanela go tšewa bjalo ka mohlolo, eupša go šomišwa ka go kopanywa le ditirišo tša go lemarua ka pabalelo, go swana le phetošopšalo, le tšhitišo ya mabu ye nnyane le go boloka mašaledi, gammogo le tšhomišo ya dibjalo tše di kgotlelelago disenyi, peu ye e hlatsetšwego, peakanyo ya mabu ye e nepagetšego le ditirošo tša taolo ya go thibela mathata. Tumelelano ya kakaretšo ke gore dibjalo di bjalwa ka mabung a botse a kgonago go kgotlelela kgatelelo ya tikologo le malwetši go feta a dibjalo tše di bjetšwego ka mabung a fokolago.
Ge go etla go tša bolaodi bja disenyi, ke hlaloganyo go aga kamano le molaodi wa dikhemikhale goba setsebi sa polasa go go thuša ka go hlaola ka nepo le go laola disenyi. Le balemirui ba kgwebo ba dira se, ka ge ba lemoga gore ga go kgonege go tseba se sengwe le se sengwe ka ga tšweletšo. Diphetogo ka maemong a bosa le tšona di feletša ka go diphetogo ditšhabeng tša dikhunkhwane le malwetši, tše di feletšago ka ga tše di hlagelela ka dileteng fao di sa hlagelelago pele, gape le ka dinako tše dingwe tšeo di bego go sa kwagala ka tšona peleng.
Dikhunkhwane tše di fapanego di hlaselago dikarolo tša sebjalo sa Korong, ka godimo le fase ga mabu. Lefelo la Dinyakišišo tša Temothuo le hlaola disenyi tše di latelago bjalo ka tše bohlokwa kudu bolaoding bja disenyi tša korong.
Dikhunkhwane Tše Di Senyago Peu Le Thito
Kgoba boloko ye ntsho ya lehea, seboko sa lethale sa kgoparara sa maaka le seboko sa lethale se sennyane sa maaka di tšwelela ka sewelo ka lefelong ka moka fao pula e nago selemo. Dikhunkhwane tše di ja peu le dithito tša dibjalwana tša korong fela ka fase ga bokagodimo bja mabu, seo se hlolago dibjalo di swabe le go hwa. Diboko tša lethale di ka hlola tshenyo mola di le legatong la seboko, mola dikgoba boloko di ka hlola tshenyo ge di le kgatong ya bogolo.
Diboko tša Profenseng ya Bodikela seboko mabele le seboko sa mabele sa Sandveld se hlolago ditshenyo go peu le thito ka Kapa Bodikela. Seboko sa mabele sa Profense ya Bodikela ka tlwaelo se dihlaselo di hlagelela morago ga dipula tše maatla.
Dikalafo tša peu le ditirišo tša setšo di thekga go mela le go ntšha peu ka lebelo ga kgolo ya korong e thuša go fokotša go ba kotsing ga dibjalo ka dikhunkhwane tše. Ga bjale ga go na dikhemikhale tše di ngwadišitšwego go laola seboko sa mabele sa Profense ya Bodikela goba seboko sa mabele sa Sandveld.
Bahlasedi Ba Letlakala Le Thito
Ntadimela tša Korong tša Russia di hlagelela ka lefelong fao pula e nago selemo la Aforika Borwa. Di tlhasela bobedi matlakala le dithito tša dimela, di hlola gore matlakala a fetoge go ba bošweu, serolwane goba boperese. Tšhomišo ya dibjal tše di lwantšhago ke khetho ya maleba ya go laola.
Ge taolo ya sekhemikhale e šomišwa, balemirui ba swanetše go kgonthiša gore ba šomiša setšweletšwa se se nepago mehuta ya tlhago ye itšego yeo e hlolago tshenyo polaseng ya bona.
Bahlasedi Ba Hlogo Ya Lebele
Sebokokgokolwana, ntadimela yah logo ya lebele ye bosootho le ntadimela ya outse kudu di hlasela hlogo ya lebele la korong. Sebokokgokolwana gabotsebotse ke bothata ka Kapa Bodikela le mašemong a korong ao a le go ka fase ga nošetšo. Diboko di ja setalafatši sa matlakala go feleletša ka dipatsong tše tšhweu le mathaladi.
Diboko di sepela ka hlogong ya lebele la korong ka ge dibjalo di butšwa, seo se feletšago ka tahlego ya poelo le boleng bjo fase. Tsenelelo ya dikhemikhale e swanetše go elwa hloko ge 10% ya dihlogo tša mabele di tšhilafaditšwe ka seboko se se tee goba go feta godimo ga hlogo ya lebele.
Translated by Lawrence Ndou