Boere moet gereeld hul lande verken om insekte en siektes te identifiseer voordat dit buite beheer raak. Sekere peste en siektes kan kuratief behandel word, terwyl ander voorkomend behandel moet word as toestande die ontwikkeling die siektes bevorder.
Plaagdoders kan gebruik word, maar moet nooit beskou word as die enigste uitweg om problem te voorkom nie. ʼn Kombinasie van bewaringsboerdery praktyke kan gebruik word, soos wisselbou, die minimum versteuring van die grond en 'n stoppel behoud, sowel as die gebruik van plaag verdraagsame kultivars, gesertifiseerde saad, behoorlike grondvoorbereiding en bestuurspraktyke. Die algemene konsensus is dat plante wat in goeie grond geplant is meer in staat is om omgewingstres en siektes te weerstaan as plante wat in arm grond geplant is.
Wanneer dit kom by die bestuur van plae, maak dit sin om 'n verhouding met 'n chemiese konsultant of plaas tegnikus op te bou om jou te help om peste korrek te identifiseer en te bestuur. Selfs goed gevestigde kommersiële boere doen dit as hulle besef dat dit onmoontlik is om alle kennis van produksie te hê. Veranderinge in klimaatstoestande kan ook lei tot veranderinge in insekpopulasie en siektes, wat kan lei tot die verskyning van hierdie siektes en insekte in gebiede waar hulle nie voorheen voorgekom het nie asook die ongekende tye wat hulle daar verskyn.
Verskillende insekte val verskillende dele van die koringplant bo en onder die grond aan. Die Landbounavorsingsraad Sentrum identifiseer die volgende peste as die belangrikste in koring plaagbestuur:
Insekte wat Saad en Stam Beskadig
Swartmieliekewer, groter Valsdraadwurm en kleiner Valsdraadwurm kom sporadies voor in die somerreënval gebiede. Hierdie insekte voed aan die saad en stingels van koring saailinge net onder die grondoppervlak, wat veroorsaak dat die plante verlep en sterf. Die Draadwurms veroorsaak skade terwyl hulle in hul larwestadium is, terwyl die swartmielies kewers skade veroorsaak wanneer hulle in die volwasse fase is.
Larwes van graan wurm en Sandveld graan wurm veroorsaak saad en stam skadevergoeding in die Wes-Kaap. Die westlike provinsie se graan wurms slaan gewoonlik toe nadat swaar reën geval het.
Saadbehandelings en kulturele praktyke ondersteun ontkieming en vinnige koring saailinggroei wat help om die kwesbaarheid van die plante te verminder. Tans is daar geen chemikalieë geregistreer om die Wes-Kaap se graan wurm of Sandveld graan wurm te beheer nie.
Blaar en Stam Aanvallers
Russiese koring plantluise (aphids in Engels) kom voor in die somerreënvalgebiede van Suid-Afrika. Hulle val beide die blare en stingels van plante aan, wat veroorsaak dat die blare wit, geel of pers word. Die beste opsie vir behering is die gebruik van weerstandbiedende kultivars. Wanneer chemiese beheer gebruik word, moet boere verseker dat hulle 'n produk gebruik wat die spesifieke biotipe wat skade veroorsaak teiken.
Oor Aanvallers
Bolwurm, bruin oor plantluis en hawer plantluis val hoofsaaklik die ore van die koring aan. Bolwurm is spesifiek 'n probleem in die Wes-Kaap en in koringlande onder besproeiing. Die larwes voed op die chlorofil van die blare, wat lei tot wit vlekke en strepe. Die larwes beweeg in die oor van die koring in terwyl die oes ryp word, wat tot direkte opbrengsverlies asook laer gehalte koring lei. Chemiese ingryping moet in ag geneem word wanneer 10% van die ore besmet is met een of meer larwes per oor.
Translated by Wilma Koeppen