Umkhiqizo Wamalamula eSewula Africa

©Louise Brodie

Amalamula mhlobo okhamba phambili we-citrus. Akhiphe i-60% yemikhiqizo esiwa eenarhe ni zangaphandle yeSewula Africa. Kiwo, i-Valencia ngiyo ekhiqizwa khulu ithunyelwe kwezinye iinarha, ekumthamo ophindaphindeke kabili kowamalamula womhlobo we-navel, okumhlobo wamalamula okhiqizwa enarheni le.

Njengobanyana satjelwe yi-Citrus Growers Assocation, amalamula womhlobo we-Valencia ayi-34% yomthamo opheleleko we-83 490 otloliswe kobana owathunyelwe kwezinye iinarha ngonyaka ka-2018. Amalamula adlula ku-60% wemithi le, atjalwa eLimpopo. Isifunda se-Eastern Cape satjala i-14%, lokha isifunda se-Eastern Cape kwatjalwa kiso umkhiqizo oyi-9%.

Umhlobo wamalamula we-navel, ngowesibili ngokukhamba phambili wamalamula akhiqizwa khulu. Akhiqiza i-20% yamalamula atlolisiweko akhiqizwa eSewula Africa. Isifunda se-Eastern Cape, sikhiqize i-39% yenthelwezi, okwenza bona sibe mkhiqizo omnengi khulu wama-navel akhiqizwa eSewula Africa. Isifunda seLimpopo kanye nese-Western Cape, inendawo yesibili, neyesithathi ekulu khulu ekukhiqizwa kiyo, i-Limpopo ikhiqiza i-26%, yomkhiqizo, isifunda se-Western Cape ikhiqiza i-25%.

I-Navels Nayiphalisana ne-Valencia

©Louise Brodie

I-Navel, inomkhiqizo wesibili okhula ngaphasi, okufana nesibhono somuntu, ngikho inebizweli. Amalamula womhlobo we-navel atholwa e-Brazil ngeminyaka yabo-1820, ngokuhlanganisa amalamula womhlobo we-laranja selecta. Umhlobo lo, wamalamula awunambewu okutjhi bona utjalwa ngokobana usikwe komunye.

Umhlobo wamalamula we-Valencia usudu, uneskhumba esondileko begodu uvamise kobana uvuthwe msinya kunomhlobo wamalamula we-navel. Ibizo lawo, livela idorobheni le-Spanish, Valencia, kodwana ihlanganisela yawo yatlanywa ngokobana kuhlanganiswe i-pummelo x mandarin enarheni yeange-California, ihlanganiswa mtjali wamalamula we-America kanye ne-agronomist u-William Wolfskill. Ilamula, nanyana kunjalo, lithengiswa ngokuphumelela e-Spain kune-California.

Imihlobo Yawo

Ngonyaka ka-2018, umhlobo welamula i-Midknight kwakumhlobo otjalwa khulu welamula. Kwatjalwa umthamo wawo oyi-36% sele uphelele kunomhlobo we-Valencia. Umhlobo wawo wathoma ukutjhejwa ngonyaka ka-1927 ngu-AP Knight, athiyelelwa ngawo, engadini ye-Summerville, Addo esifundeni se-Eastern Cape. Umhlobo lo, wathonywa ukubonwa ngeminyaka yabo-1970.

Umhlobo we-Valencia late, kwabamhlobo wesibili otjalwa khulu, lapha kwatjalwa khona i-19% wenarha leyo. Lokha umhlobo wamalamula we-Delta kutjalwe i-16% yenarha. Umhlobo wamalamula we-Turkey kanye ne-Bennie kutjalwe i-10% kanye ne-9% yendawo ekutjalwe kiyo. Umhlobo we-palmer gade uyi-18%, we-Bahianinha uyi-14%, we-Cambria uyi-12 % kuthi we-Wanshington uyi-11% wenarha yoke etjaliweko sele iphelele.

Isikhathi Sawo

Isikhathi se-Valencia singo-July ukufikela ku-September, lokha isikhathi samalamula weavel sithoma ngoMgwegweni ukuya ngoVelabahlinze.

Iimaraga

©Louise Brodie

Amalamula amanengi wenarha ye-Sewula Africa athunyelwa eenarheni zangaphandle. Isthelwesi sithunyelwa eenarheni zangaphandle ezahlukahlukeneko, ezinengi zazo zisiwa eenarheni ze-European Union lapha kusiwa khona i-33% yawo. Inarha ye-Middle East, gade kyuinarha yesibili ngokukhamba phambili egade ithunyelwa iinthelwezi ngonyaka ka-2018, lapha kwathunyelwa khona amalamulwa ayi-19% westhelwesi, kulandele inarha ye-South East Asia.

Translated by Busisiwe Skhosana

Orange Production

Amalamula asudu avela enarheni yenge-China, begodu avezwa kumalithereyitjha we-China ekuthomeni kweminyaka ka-314 BC....more