Sangiovese

Ihlathululo

Mhlobo wesitjalo esimhlobo obovu we-Tuscany e- Italy lapho i-Chianti edumileko ikhiqizwa khona. I- Sangiovese begade kusithako osiphambili samawayini, eyaziwa khulu ngamabhodlelwawo arondo kanye ne-straw covering.

Kumhlobo wakade wamaderibe owabalwa kokuthoma ku-Italian literature of 1590 begodu njenganje sele utjalwa e-US, Argentina kanye ne-Australia kuthi eSewula Afrika umkhiqizo ubemncani. I-Sangiovese mndeni womhlobo omkhulu obonakala khulu ngobukhulu bawo obubizwa nge-intra-varietal phenotypical variations.

Imvelaphi/Indabuko

Adabuka e-Italy

Amanye Amagamawo

I-Sangiovese inemihlobo engaphezu kelisumi begodu amagamawo amanye ama-86 avame ukuhlathulula umhlobawo othileko. Inengi lamagama la angezelela elinye igama ngemva kwe-‘Sangiovese’ isibonelo yi-‘dolce’ nofana i-‘grosso’.

Ubuye waziwe nangokuthi yi-Brunello, Lambrusco and Chiantino, kodwana eSewula Afrika, kusetjenziswa kwaphela i-Sangiovese.

Umkhiqizo weSewula Afrika

I-Sangiovese begade iqatjangwa bonyana yathulwa eSewula Afrika ngo-1970s, kodwana amarekhodi (2016) akhombisa ubudala bamasimu atjalwa eplasini le-Boplaas ngo-1982. Esewula Afrika, indawo engange-69 ha ye-Sangiovese intaliwe.

Imihlobawo ekhiqiza iwayini yezinga eliphezulu yangeniswa enarheni ngo-1991.

Umkhiqizo Weemphande

Inengi leentjalo zama-Sangiovese zitholakala e-Stellenbosch (26ha), Swartland (19ha).

Ukukhula

I-Sangiovese ihlukunyezwa yi-terroir begodu ikghona ukusinda nokubambelela emihlobeni ehlukileko yehlabathi, kodwana uzwana nehlabathi yobujamo obufuthumeleko. Ufumana ubudisi ukuze uvuthwe eendaweni zamazinga aphakamileko – ngaphezu kwe-1500ft.

Umkhiqizo odluleleko (wkuba neempakana ezinengi zamaderibe emtjhaneni munye) kungabangela bonyana amaderibe amumathe i-esede ephezulu kanye nokungakavuthwa kuhle i-tannins. Ukumila kwamakari ngaphambi kwesikhathi kubangela ukoniwa mbethe.

Isimilesi esithela khulu, i-Sangiovese ingazuza khudlwana ehlobo, ngokuthi iimpakana zamaderibewo zinciphe ukwenzela bonyana kuthuthuke izinga lawo bekunciphe ukubola kwe-botrytis. Begade kumhlobo onomukghwa wokukhakhaba phasi kodwana ukuwesekelwa kuyadingeka ukwenzela ukulawuleka kokukhula kwawo.

Ukuvuthwa

I-Sangiovese mhlobo wamaderibe avuthwa buthaka khulu begodu avunwa ngokukhamba kwesikhathi enyakeni.

Amakari

Amakarawo anesilinganiso sobukhulu esiphakathi, avame ukuba neencenye ezineempenda ezintathu nofana ezihlanu.

Amamomori

Amamomori anesilinganiso esiphakathi sobukhulu begodu arondo, akheke njenge qanda kanye namakelo wezinga eliphezulu le-bloom. (I-Bloom yindlela yamakelo atjhelelako navikela ukurhwamuka nokobanya kungangeni iinunwana).

Isilinganiso sepakana ye-Sangiovese ihluka ngokuya ngemihlobayo yokutjala esetjenzisiweko.

Iintjhabalalisi kanye Namalwelwe

I-Sangiovese ikhombisa isilinganiso esiphakathi sokukghona ukujamelana ne-downy mildew kanti-ke ihlulwa khulu kukonakala okubizwa nge-powdery mildew kanye ne-botrytis.

Umsebenzawo

Esewula Afrika, i-Sangiovese isetjenziselwa ukwenza iwayini ebizwa nge-dry red wines. Umhlobo lo wesimilo unezinga eliphezulu le-esede kanye nombala okhanyako ungezelela emivangweni kodwana kunokukhula komkhiqizo wewayini engakavangwa yewayini. Amalunga wemivango emihle kungaba yi-Cabernet Sauvignon (ngesakhiwo kanye nombala) kanye ne-Merlot (ethambisako).

Inambitho

Amawayini aphuma phambili we-Sangiovese akhombisa amazinga amahle we-esede kanye nesakhiwo se-tannic emumethe inambitho lama-cherries kanye nama-plums ukuya emakelweni kanye nesimu.

Eminye iminambitho ifaka hlangana i-tabacco, cinnamon kanye ne-truffles kanye nama-mulberies. I- Sangiovese encani ikhombisa ama-chery asesematjha, kanye nenambitho elibabako ekugcineni.

Translated by Johannes Nkosinathi