Naam
SangioveseBeskrywing
Sangiovese is die hoof rooi kultivar van Toskane in Italië waar die bekende Cianti wyne geproduseer word. Sangiovese was die hoofbestanddeel in hierdie wyne en word aan die ronde bottels en strooi omhulsel uitgeken.
Dit is ’n antieke druifvariëteit wat in 1590 vir die eerste keer in Italiaanse literatuur genoem is en word tans in Amerika, Argentinië en Australië gevind. Daar is ’n beperkte aantal aanplantings in Suid Afrika. Sangiovese is ’n groot druif ‘familie’ soos gesien kan word in die hoë intra-variëteit fenotipiese variasies.
Oorsprong
ItaliëAnder Name
Sangiovese het meer as tien klone en die 86 sinonieme verwys dikwels na ’n spesifieke kloon. Baie van hierdie sinonieme voeg ’n ekstra aanduiding na Sangiovese soos ‘dolce’ of ‘grosso’. Dit is ook bekend as Brunello, Lambrusco en Chiantino, maar in Suid Afrika word net Sangiovese gebruik.Produksie in Suid Afrika
Daar is beweer dat Sangiovese al in die 1970’s in Suid Afrika bekend gestel is, maar die 2016 rekords dui daarop dat die eerste aanplantings in 1982 op die plaas Boplaas was. In Suid Afrika word slegs 69 hektaar Sangiovese verbou. Klone vir die produksie van hoë kwaliteit wyne is in 1991 ingevoer.Produksie Streke
Die grootste Sangiovese wingerde in Suid Afrika word in Stellenbosch (26ha) en die Swartland (19ha) gekry.Groei
Sangiovese word deur die terreintoestande beïnvloed en doen goed in ligte grond en warmer klimaatstoestande. Dit sukkel om ryp te word in hoë liggende gebiede (meer as 15000 voet).
Oorproduksie (te veel trosse per wingerdstok) kan druiwe met ’n hoë suurvlak en onryp tannien tot gevolg hê. Vroeë bot kan tot rypskade lei. Sangiovese is ’n hoë opbrengs kultivar en baat by ’n goeie snoei in die somer om die kwaliteit te verbeter en botritis te verminder. Dit is geneig om te kruip en ’n prieel sisteem help om die groei te beheer.