Sangiovese

© Vititec

Ṱhaluso

Ndi dzone khulwane tsuku dzine dza ṱavhiwa nga vha Tuscany kha ḽa Italy hune heyi yo ḓiitelaho dzina ya Chianti ya bveledzwa hone. Sangiovese ndi yone yo dzhenelelaho nga maanḓa khayo, ine ya ḓivhea nga boḓelo ḽayo ḽa tshipulumbu ḽo valiwaho. Ndi nḓirivhe ya kale vhukuma yo thomaho u ambiwa nga vho 1590 ine zwa zwino iya ṱavhiwa na kha ḽa Us, Argentina na Australia ine ayo ngo tou ṱavhiwa vhukuma kha ḽa Afrika Tshipembe. Heyi ibva kha muṱa muhulwane i vhonala nga zwine ya bveledza.

Vhubvo

Italy

Manwe Madzina

Ina miri ine ya swika fumi ya vha na madzina ane aswika 86 i ḓivhea nga ḽa dolce kana Grossp na Brunello, Lambrusco na Chiatino, fhedzi kha ḽa Afrika Tshipembe hu shumiswa ḽa Sangiovese.

U Bveledzwa kha ḽa Afrika Tshipembe

I humbulelwa uri inga vha yo swika kha ḽa Afrika Tshipembe nga ṅwaha wa 1970, fhedzi dzi buguni ho ṅwalwa 2016. Ya kalesa yo ṱavhiwa nga nga 1982 kha bulasi ḽa Boplaas. Kha ḽa Afrika Tshipembe hu tou vha na 69ha yo ṱavhiwaho. Miri ine ya bvisa veini ine ya vha na muthetshelo wavhuḓi yo ḓiswa nga 1991.

U Bveledzwa nga Madzingu

I wanalesa nga maanḓa Stellenbosch (26ha) swartland (19ha).

U Aluwa

Asi muri une wa sokou fa lini na uri uya kona u tshila kha mavu oṱhe nga u fhambana hao, fhedzi u funesa mavu asi ngo khwaṱhaho arali hu fhethu hune havha na murotholo. Iya konḓelwa u aṋwa arali i fhethu hune ha vha hu nṱha u fhira 1500ft. Arali yo ṱavheswa zwiita uri miri ivhe na acidity ya nnṱha Tannis. U ṱavhanya u iṱavha zwiita uri i vhulawe nga phepho. Uri i bvise mvelelo nnzhisa i fanela u ṱavhiwa i tshi khou ṱhogomelwa i tshi geredzelwa na matavhi na u fhungudza vhunzhi ha zwiḽi.

U Kaṋiwa

Iya lenga nga Maanḓa u hula ngazwo I tshi lenga u kaṋiwa.

Maṱari

Maṱari ahone o linganela aya vha na zwivhanana zwiraru kana zwiṱanu.

Mitshelo

Mitshelo ya hone yo linganela ya dovha ya vha tshipulumbu tsho tanḓavhuwelaho matungo ya vha na tshithu tshine tsho tsireledza mutshelo uri usa vhaisiwe.

Zwiḽi na Malwadze

Iya kona u vhulaiwa nga murotholo na zwivhungu.

Mushumo

Kha ḽa Afrika Tshipembe i shuma u ita veini ya nḓirivhe tsuku dzo omaho, muvhala wayo wa u thanya ndi wone une wa thusa kha u ṱanganisa na dzinwe. Dza vhuḓi dzine ya kona u shuma yo ṱanganiswa nadzo ndi Cabernet Sauvignon (muvhala na kuitele) na Merlot (vhutete).

Muthetshelo na Muḓifho

I vhoniswa muthetshelo wa vhuḓi wa dzi plums,cherries. Minwe mithetshelo yo no wanalaho ndi wa tobacco na truffles na mulberries. Musi i tshi kha ḓi vha ṱhukhu iya bvisa muthetshelo wa cherry ya u vhavha i tshi vho fhela.

Translated by Khalirendwe Nekhavhambe