Sangiovese

Tlhalošo

Mohuta wo mogolo wa Tuscany o kua Italy fao dibeine tša Chianti ditšweletšego gona. Sangiovese e be e le setswaki se se golo gare ga dibeine tše, di tsebega ka mabotlela a tšona a sebopego sa nkgokolo gare ga bipa ya lehlaka (straw covering).
Ke mohuta wa beine wa kgale, go ile gwa bolelwa ka ona gare dingwalo tša Italian tša ngwaga wa 1590 gomme bjale e bjetšwe gape mo US, Argentina le Australia ka dibjalo tše nnyane mo Afrika Borwa. Sangiovese ke lapa le le golo, k age le bonala ka mehuta ya (high intra-varietal phenotypical)

Tlholego

Italy

Maina a Mangwe

Morara wa Sangiovese o na le mafahla a go feta lesome le mahlalošagotee a masomepedi tshelela a mafahla a. Mahlalošagotee a mantši a tlaleletša maina a mangwe morago ga ‘Sangiovese’, mohlala; ‘dolce’ goba ‘grosso’. Morara o tsebega gape o le Brunello, Lambrusco and Chiantino, eupša mo Afrika Borwa go šomišwa fela leina la Sangiovese.

Tšeletšo mo Afrika Borwa

Go be go na le pelaelo ya gore morara wa Sangiovese o tsebišitšwe mo Afrka Borwa ka 1970’s, eupša go na le rekoto e bontšhago gore serapa sa morara sa kgale (2016) se bjetšwe polaseng ya Boplaas ka 1982. Mo Afrika Borwa go na le palo ya go lekana 69 ha ya morara wa Sangiovese o lemilego. Mafahla a ile a rekwa ntle ka 1991 go tšweletša beine ya khwalithi ya godimo.

Dilete tša Tšweletšo

Dibjalo tša Sangiovese tše kgolo di hwetšagala mo Stellenbosch (26ha), Swartland (19ha).

Go Gola

Morara wa Sangiovese o bokoa go terroir gomme o kgona go phela mobung wa go fapana, eupša o rata mobu o bofefo mo dileteng tša boemo bjo borutho. Ga e kgone go butšwa mo mafelong a godimo go feta 1500ft. Ge go na le dingata tše ntši mo sefateng sa morara merara a na le go ba le esiti ya godimo kudu le gomme dibjalo ga di butšwe (tannins).
Matlakala a pele a hlagago moraga ga mariga bjalo ka palega a senya ke serame. Morara wa Sangiovese wo tlišago puno ya godimo o swanetše go faolwa ka selemo le go fokotša dingata go kaonafatša khwalithi le go fokotša botrytis. E be e le mokgwa o sego bose ka fao legora le be le tlhokega go laola go gola.

Go Butšwa

Morara wa Sangiovese o tšea nako go butšwa e bile o topiwa morago ga nako ka nako ya puno.

Matlakala

Matlakala a na le bogolo bja ka magareng gomme e na le go ba le mathoko a mararo goba a mahlano.

Dithetlwa

Dithetlwa di na le bogolo bja magarenf le sebopego sa nkgokolo goba sa motopo le bloom ya godimo mo letlalong le le sese. (Bloom ke bipa ya waxy e šireletšago moyafalo le tsenelo ya pakteria) Bogolo bja ngata ya Sangiovese bo fapana ka go ya ka mafahla a šomišitšwego.

Dikhukhwane le Malwetši

Sangiovese o bontšha e kgona go lwantšha downy mildew ga nnyane gomme e bokoa kudu go powdery mildew le botrytis.

Šomišo

Mo Afrika Borwa morara wa Sangiovese o šomišwa go dira beine ya go baba e hubedu. Esiti ya godimo ya mohuta wo le mmala wo bofefo di thuša motswako eupša go na le malebiša a godimo a go tšweletša dibeine tša mohuta o tee. Baleka ba botse bja motswako e ka ba Cabernet Sauvignon (Kago le mmala) le Merlot (boleta).

Tatso/Mohlodi

Dibeine tša Sangiovese di bontšha bogodimo bjo bose bja esiti le kago ya tannic ka mohlodi wa tšhêri le poreima go letlalong la leather le farmyard. Mehlodi e mengwe ke seketete, sinamone le truffles and mulberries. Beine ya Sangiovese e nnyane e na le go ntšha mohlodi wa tšheri e hlwekilego ka go baba mafelelong.

Translated by Lebogang Sewela