Nebbiolo

Ihlathululo

Nebbiolo grapes in South Africa.

I-Nebbiolo mhlobo wamaderibe abovu ahlotjaniswa khulu nezinye zamawayini eziphuma phambili umhlaba zombele ezidala zombala obovu. Kubonakala kwanga igama layo ukusuka egameni le-Italy, elithi-nebula, nelihlathulula ikungu, lokhu kungebanga lokuvuthwa kwawo ngokukhamba kwesikathi lokha ikungu yesiruthwana ithoma enarheni ye-Italy, nofana ngebanga lamatlhurhelwawo amhlophe njenge kungu evela emakelweni wamaderibe lokha amamomori nasele avuthiweko.

I-Nebbiolo kubonakala kwanga iphuma emhlobeni we-Italy i-Freisa, kodwana ukuhlobana komzali omunye akukaqinisekiswa. Anjalo nje abonakala ahlobana khulu ne-Viognier.

Imvelaphi/ indabuko

Ngokuya ngehlaziyo lehlelo lokuhlola ifuzo (DNA analysis), I-Nebbiolo manengi amathuba wokuthi idabuka ku-Piedmont nofana e-Valtellina zona ezisetlhagwini-tjhingalanga ye-Italy. Ihlangana nemihlobo emidala khulu emile e-Italy, nangokuthi igadangiswe nemahlelweni abizwa nge-State Archive of Torino phakathi kwesikhathi se-thirteenth Century.

Kunezwangobatjho ethi umtloli we-Roman u-Pliney the Elder encwadinakhe ethi- Naturalis Historiae, yangeenkhathi ezadlulako ze-1 AD, uthi i-Nebbiolo ifana nomhlobo obizwa nge-Spionia. I-Piedmont izakhele isithunzi eminyakeni eminengi ngawayinayo i-Barolo kanye ne-Barbaresco, neyenziwa ngokufaka hlangana amaderibe we-Nebbiolo etjalwe kezinye zeendawo ezikhethekileko zesiphande.

Ngesikhathi se-15th Century, Nebbiolo yathola ukunethezela endaweni ye-Barola, nebegade yaziwa nge-La Morra, umonakalo nofana ukuquntwa kweemvino begade kungajeziswa ngokuloba amalungela nofana ngokuhlala ilenga. I-Barola kanye ne-Barbaresco, ngokukhamba kweminyaka zabizwa “ngamawayini wamakhosi kanye namakhosi wamawayini” e-Italy. Ngesikhathi esadlulako iwayini le begade ingazwisiseki lokha iselwa ngaphambi kwesikhathi.

Ubuhle be-Barolo, nanyana kunjalo, kufuze ikhule ngeminyaka ekungasenani elitjhumi nambili ukuze ivule ubukghoni bayo bamambala. Injalo nje idume nangokuba nzima ukuyikhiqiza, ngokuthi abanye benze amahlaya ngokuthi umkhiqizo we-Nebbiolo ufuze ulingwe babenzi bamawayini abanekghono lokukhiqiza umhlobo otjhijilako, i-Pinot noir kwaphela.

Amanye amagamawo

Ibuye yaziwe nange-Chiavennasca, Picutener, Spanna kanye ne-Nibeul.

Umkhiqizo weSewula Afrika

Kubonakala kwanga isithukghu sawo sokuthoma sangeniswa enarheni nguPhrofesa Abraham Izak Perold ngeminyaka yabo-1910 ukusukela e-Italy. Lawo athembisa khulu angeniswa ukusuka ngu-Vititec phakathi kwaka-1990 kanye no-1995. I-Steenberg Winery of Constantia kubonakala kwanga kwaba lipulasa lokhuthoma ukukhiqiza iwayini engakavangwa we-Nebbiolo ngomnyaka ka-1990s.

Umkhiqizo weemphande

Umkhiqizo eSewula Afrika mncani, begodu ungaphasi kwamahegere amatjhumi amabili nahlanu agadangiswe ngo-2016. Inengi leemvino le litholakala e-Breedekloof, Stellenbosch kanye ne-Cape South Coast, kuthi i-Paarl, the Klein Karoo kanye ne-Northern Cape zibe nendawo encani emkhiqizweni.

Ukukhula kwawo

Umhlobo lo uzwana neendawo zobujamo obupholileko. Ukhula ngamandla ngokudluleleko, ngesilinganiso somkhiqizo esisuka ku-12 t/ha to 18 t/ha.

Ukuvuthwa kwawo

Avuthwa kusesenesikhathi phakathi esikhathini sonyaka, ukusuka esiquntwini sokuthoma senyanga kaMhlolanja.

Amamomori

Umhlobo lo ukhiqiza amamomori wobukhulu wesilinganiso esiphakathi, amakhulu, arondo ukuya kamafitjhana kwesakhiwo seqanda anombala obovu we-violet ogcina ngokuba nzima nasele avuthwe ngokwaneleko. Amakelwawo amatsikana begodu aqinile, kuthi incenye yangaphakathi ibeyijuzi kanye nenothileko.

Amakari

Amakari we-Nebbiolo wombala ohlaza satjani okumnyama mancani ukuya esilinganisweni esiphakathi, arondo begodu anencenye zesiphetho esineempenda ezihlanu.

Iintjhabalalisi kanye namlwelwe

Ahlukunyezwa khulu kukonakala ekubizwa nge-downy mildew, powdery mildew kanye nokutjhiswa lilanga. Ukuna kwezulu ngesikhathi sokuvuna kungabanga ukubola okubizwa nge-botrytis rot.

Umsebenzawo

Izinga lawo elincani elikhiqizwe eSewula Afrika lisetjenziswa emivangweni kanye nakilawo amawayini angakavangwa.

Inambitho

Umhlobo lo uhlangana nedlanzana elibonakala lula ngombalawo, ngokuthi iwayinawo ibenombala onzinyana obonakala uvela ubu-orentji encenyeni yesiphetho sayo. Lawo atholakala eSewula Afrika akhiqiza inambitho elinothe khulu kanye namamomori.