Izinto Ekufanele Uzitjheje Nawakha Amahogo Wemfarigi
Iimfarigi kufanele zibekwe emahogweni akantjelweko ukuzivikela emalwelweni, kumapharasayidi, ekwetjiweni kanye nakwezinye iinlwane ezizizumako kanye nokukhandela bona zingoni iintjalo kanye nengadi, zingarhatjhi amalwelwe nanyana zibaleke zigcine sele zilahlekile. Amahogo wazo azokwenza bona zihlale zizigedle, zingagandeleleki ngokomkhumbulo, okuzokurholela bona zibe nepilo.
Ngaphambi kokobana utjale imali ebubulweni, elizo ngokuya ngencwadi ka-Danie Visser’s Modern Pig Production elizokubiza imali enengi ephindaphindeke ngasumi nambili kunalokha wakha indlu etje eSewula Africa, ihlangano ye-South African Pork Producers Organisation 'SAPPO' iyelelisa abafuyi bona batjheje okulandelako okutlolwe kumanual yabo yesihloko esithi-Manual for emerging pig farmers:
Iindleko: Amahogo wesimanjemanje wemfarigi abiza khulu, njeke kungabangcono ukuthoma ngemfarigi ezimbalwa ukuqiniseka bona uzokuragela phambili ngokwenza ibubulweli isikhathi eside ngaphambi kokobana ufake imali enengi kilo. Lokha nawufaka imali kilo kufanele utjheje iindleko zokwakha kanye nezokukhiqiza ukuqiniseka bona ibubulo lingenisa inzuzo. Kungaba mkhumbulo omuhle ukuthinta usiyazi akurhelebhe ngokuplana ibubulweli.
Imatheriyali yokwakha: Imfarigi zingona, njeke khetha imetheriyali yesimbi kanye nesamende ezizokuhlala esikhathi eside.
Engeze zarhona ukuphuma: Amaboda nanyana amafensi kufanele zenjwelwe phasi begodu ziqiniswe phezulu ukukhandela bona iimfarigi zingabaleki, ngombana ziyakwazi ukugubha, begodu valela inunwana eziyingozi, ezifana namakhondlo kanye namapharasayidi.
Umthunzi: Umakhiwo wakho kufanele ubenomthunzi owaneleko begodu uzivikele ezulwini kanye nemoyeni omakhaza.
Uhlwengeke lula: Kufanele kube lula ukuhlanza ihogo yemfarigi zakho begodu ifluri kufanele iqine inga iyehlela kancani ukuze ingabambi amanzi. Ngaphandle kwehogo kufanele kubenefluri ekulu edosa amanzi ukwenzela bona amanzi angajami. Lokhu akutjho bona iimfarigi akukafaneli bona zizibhutjhabhutjhe emanzini.
Ukungena komoya: Amahogo avaliweko kufanele abumbeke ngendlela yokobna avumela bona kungene umoya owaneleko, okuzokurhelebha ukukhandela imiraro yokuphefumula. Amahogo angabiziko asebenzisa umoya ongena ngokwemvelo, lokha amahogo abizako asebenzisa ithekhunoloji ezitjhugululako yokulawula amazinga womtjhiso.
Iinkhundla: ifarigi ngayinye kufanele ibe nesikhundla esaneleko sokuzigedla. Ngokuya kwezehlalakuhle, iimfarigi ezivalellweko, kufanele zibe ne-square metre esinobudisi obuyi-100 kg. Iimfarigi ezingaphandle, kufanele nesikhundla essinengi, esingaba yi-15 square meter. Lokha naziminyeneko zizokulwa, zilumane imisila, zingakhuli kuhle. Lokha nazinenkhundla ezaneleko zizokukakela kude nalapha zilala khona, okuzokurholela bona ifluru enengi ezihlala kiyo yome begodu ihllwengeke.
Ukuphepha: Akukafaneli kube nezinto ezibukhali nanyana iimpikiri ezingazilimaza begodu ifluru kufanele ingatjheleli. Umakhiwo kufanele wakhwe ngendlela evikela ukulimala okungatlhogakaliko.
Ukungena: Kufanele kube nesango nanyana umnyango ehogweni enye nenye begodu abantu ukungena bebaphume emahogweni.
Translated by Busisiwe Prudance Skhosana
