Sebenzisa Imbewu Yekhwalithi Ukobana Uthole Isivuno Esingcono
Imbewu yekhwalithi iyatlhogakala ukwenzela bona uthole isivuno esihle. Imbewu elungiswe ekhaya nayo ingaba ngeyekhwalithi ehle nayilungiswse kuhle, yihlwengise uyibeke endaweni eyomileko. Ukusebenzisa imbewu yekhwalithi kuqiniseka bona uba nembewu enengi lokha nawuyitlhogako (evamise ukuba ngaphezu kwe-85%), imbewu eqinileko yenzeka lokha iintjalo zijame ngokufanako. Ukusebenzisa imbewu ehle kuqiniseka bona iintjalo zakho zikhula msinya begodu azitjhwenywa zinunwana, amalwelwewe kanye nesomiso.
Imbewu yekhwalithi kufanele ithathwe eentjalweni ezinganamalwelwe kanye nenunwana. Kube yimbewu enobukhulu obulinganako, umbala kanye nomakhiwo ofanako ingabi nalo nekhula. Nangabe imbewu yincani khulu, yihlanganise nehlabathi nanyana nomanyoro owomileko. Isilinganiso sembewu kanye nomanyoro ziya ngokobana ufuna iintjalo akho zihlangane kangangani. Hlanganisa imbewu kanye nehlabathi kuhle uzalise ibhodlelo le-cooldrink ngehlanganisela yembewu kanye nehlabathi leyo. Vula imbobo esvalweni sebhodlela utjale elayinini eliqondileko.
Utjala njani iiNtjalo Zendabuko
Lula isquntwana sewula hlangana namapeksi, wenze amareyi alinganako aqondileko. Iinkhundla hlangana namareyi ziya ngokobana ngisiphi isitjalo ofuna ukusitjala. Ukutjala iintjalo emaduzelana kungezelela iphaliswano lelanga kanye namanzi, njeke lokha uphe iintjalo iinkhala kuqiniseka zirhona ukukhula zibe zikulu. Iinkhundla ezikulu eentajlweni zizokwenza bona kube neskhundla esikhulu sokukhipha ikhula kanye nokuthelelela.Lokha nawutjalako, sebenzisa, isgodo ukwenza amaforo ngokulandela iintambo oyibophileko. Tlukutla imbewu engesigubhini se-cooldrink uzitlukutlele emareyini uvale kancani ngehlabathi. Sebenzisa amanzi afretjhi uhlale uthelelele imbewakho.Usebenzisa njani Umanyoro Ukuvundisa Imirorho Yendabuko
Yoke imirorho yendabuko yeAfrica itlhoga umanyoro nanyana isivundisi lokha nayizokukhula. Iintjalo ezikhula ziqinile azibanjwa zinunwana kanye namalwelwe begodu zikhiqiza isivuno esiphezulu. Umanyoro otholakaka ejarideni leplasini ofana nowenkomo, iimbuzi nanyana amakaka wenkukhu utjhiphile kunokuthenga owenziwe ngamakhemikhali begodu ungarhelebha abalimi ekutholeni isivuno esinengi. Nange abalimi baneembaya, kubalula begodu kuyatjhipha bona basebenzise umanyoro weenlwane ukwenza ikhompowusti yuyokuvundisa iingadi zabo zemirorho.
Uwenza bewuwufake njani umanyoro wemaplasini:
Buthelela ubulongwe belwane esbayeni.
Benze indunduma engakufika emadolweni.
Lokhu ungakwenzela engadini ngeskhathi sesomiso nanyana ububeke endaweni espara eduze kwesbaya.
Bulise ukwenzela bona bubole kuhle ngomabana lokhu kuzokwenza bona iintjalo zakho zibe zihle.
Ngaphambi kokufaka umayoro, hlanganisa nehlabathi.
Uyenza njani Ikhompowusti Yokwenza Umanyoro
Ukwenza umanyoro nokuwufaka ehlabathini, kuzokungezelela ukuvundaa kwehlabathakho kuyirhelebhe ngokuletha izakhimzimba ezenza bona iintjalo zikhule begodu ziqine. Ukwenza ikhompowusti, utlhoga imetheriyali eyomileko efana namabele, isphila, millet straw, amabhontjhisi kanye neziqu zamantongomani nanyana ikhula elomileko. Uzokutlhoga nemetheriyali ehlaza ngombala (ikhula,lokha okusala nawusika ifensi,kanye namakelo wemirorho) kanye nobulongwe beenkomo, benkukhu kanye namakaka wembuzi. Ukuvala ikhompowusti yakho uttlhoga ihlabathi yangaphezulu, iinkuni, amatjhwaratjhwara, iincephu zemada kanye notjani obomileko.
Uzokutlhoga namanzi kanye negarafu nanyana isigodo sokuyiphendula. Lungisa umgodi ongatjhingeli khulu. Ungaba nobude obunye nobunye kuye ngokobana ufuna ukufaka izinto ezingangani. Faka imetheriyali esikelelweko ngaphasi. Faka imetheriyali yekhompowusti uyilandelanise, ngokudlheganisa eyomileko namanzi. Iinthako ezimanzi zizinto ezifana neensalela zokudla, iinthelo, ama-tea bags kanye nekhula. Imetheriyali eyomileko zizinto ezifana namakari, iinsalela ezisele nakusarhwa iminyango kanye nenkuni esele zimilotha. Njeke faka umayoro,umanyoro ohlaza (ofana notjani obukeriweko) nanyana umthombo omunye bomunye we-nitrogen.
Vala ngananyana yini onayo iingodo, itjhwaratjhwara, iinqephu zemada, amasenke weplayistiki, ihlabathi, utjani obomileko, ukwenza bona kuhlale kumanzi kodwana kungakabijwa. Faka amanzi ngelinye ilanga nanya ukulise kunethwe lizulu. Kuphendule ngemva kwamalanga ambalwa ngegarafu. Nasele ilungile faka imetheriyali etja ngokuyihlanganisa ngokulandelana kwayo. Ukuhlanganisa nokuphendula ikhompowusti yakho kwenza bona ilunge msinya.
Translated by Busisiwe Skhosana