Ama-avocado weSewula Africa zintjalo zebusika - ezikhiqizwa eendaweni ezi-subtropical enarheni le khulukhulu esifundeni sangeLimpopo kanye nezeMpumalanga.
Ngokwemvelo, kunemihlobo emithathu yama-avocado efaneleke ukutjalwa eendaweni ezintathu ezikhiqiza ama-avocado. Umhlobo wama-avocado ozwelako nakunombethe we-West-Indian watlameka eendaweni ezitjhisako ezithrophikhali nezinobuswe eziphasi zenarheni ye-America ephakathi, lokha imihlobo ye-avocado ye-Mexico ithanda inarha epholileko, ephezulu ethrophikhali enamazinga aphezulu womtjhiso. Umhlobo wesithathu we-avocado obizwa bona yi-Guatemalan, uthanda inarha epholileko ethrophikhali enamazinga ahlukahlukeneko yobujamo bezulu.
Imihlobo yasimanjemanje ye-Fuerte, ethandwa khulu eSewula Africa ekungethandwa khulu eSewula Africa, sele sitlanywe yihlanganisela yemvelo kanye nomhlobo we-ovocado yemvelo.Lokha nakutjalwe i-Fuerte, enarheni ye-Gautemalan kanye neye-Mexico, kuvumeleka kobana umhlobo we-avocado leyo utjalwe etlayimedini emihlobohlobo kune-Guetamelan emsulwa.
Iskhathi Sokuvuna i-Avocado
Iskhathi sokuvuna i-avocado siya ngetlayimedi yesifunda kanye nomhlobo westjalo. Esewula-Africa, ama-avocado amanengi akhiqizwa kusukela ngoNtaka ukuya ngoKhukhulamungu, okuya ngokobana umkhiqizo wendawo kanye nomhlobo wendawo leyo unjani okungangezelela iskhathi sokuvuna kusukela ngoMhlolanja ukuya ngoSinyikhaba.
Ukwenza sisbonelo, ama-avocado we-Fuerte ivunwa kusukela ngoMhlolanja ukuya ngoSihlabantangana edorobheni lange-Levubu epumalanga yesifunda sangeLimpopo. Kodwana ikhiwa kusukela ngoMrhayili ukuya kuRhoboyi encenyeni yetjingalanga yesifunda saKwaZulu-Natal. I-Fuerte mhlobo we-avocado evunwa kokuthoma.
Enye yomhlobo we-avocado le yi-Ryan, ekhiqizwa lada ngoSewula ukusukela emaplasini wesifunda saKwaZulu-Natal. Eminye imihlobo evunwa lada, yi-Lamb -Hass, mhlobo we-avocado evunwa lada, kanye ne-avocado ekulu erondo, i-Carmen-Hass kanye ne-Gem.
Ngebanga lokobana aba khona iskhathi esincaniama-avocado eSewula-Africa, abakhiqizi abazijameleko abanengi sele batlame omunye umhlobo wawo ukwenzela bona ahlale iskhathi eside. Ukwenza iimbonelo ezimbili ekubalwa hlangana i-gem, evunwa emvekeni ezine ngemva kokobana kuvunwe i-avocado yomhlobo we-Hass, kanye ne-Carmen-Hass, njengama avocado avunwa ekuthomeni kwesiruthwana, navunwa emvekeni ezine ngaphambi kokobana kuvunwe i-Hass.
Translated by Busisiwe Prudance Skhosana