Diabokado ka Aforika Borwa ke dienywa tša marega, di tšweletšwa ka mafelong a a bongola a molatšatšing fase a naga, kudu kudu ka diporofenseng tša Limpopo le Mpumalanga.
Mathomong, go be go na le mehuta ye meraro ya diafokado ka mafelong a mararo a a fapanego a tšweletšo ya afokado. Mehlare ye e amegago mo šobaneng ya India-Bodikela ye e hlabolotšwego ka mafelong-tlase a Amerika Bogare a a kolobilego a molatšatši, ge mehuta ya diafokado tša se-Mexico di itlwaetša kudu ka dithempheretšheng tša maemo a bophara a feteletšego, a fodilego, a leng ka godimo a molatšatši a dutšego godimo. Diafokado tša ka Guatemala tša mohuta wa boraro, di rata maemo a fodilego, a molatšatši a bosepelo bjo bonyane bja temepheretšha ye e feteletšego.
Mehlare ya ‘mehleng’ ye bjalo ka Fuerte, ye e tsebjago ka Aforika Borwa. Di hlabolotšwe ka ditlhakantšho tša mehuta ya tlhago ya mathomo a afokado. Mo tabeng ya Fuerte, magareng a ya ka Guatemala le ya ka Mexico, e dumelela mohlare go bjalwa mo maemong a bosa a tshepelo ya thempheretšha ye e sekilego go feta mohuta wa ka Guatemala.
Sehla sa Puno ya Abokhado
Nako ya puno ya abokado e ithekgile mo tikologong ya maemo a bosa le mohlare. Ka Aforika Borwa, bontšhi bja diabokado di tšweletšwa ka Hlakola go ya Lewedi, go ya ka kgaolo ya tšweletšo le mohlare ye e ka oketšago sehla go tloga ka Dibokwana go ya ka Dibatsela.
Mohlala, abokado ya Fuerte e bunwa go tloga ka Dibokwana go ya ka Moranang mo toropong ya Levubu kgole ka porofenseng ya Limpopo. Le ge go le bjalo, e ka nopolwa go tšwa ka Mopitlo go ya ka Phato ka dikarolong tša borwa ka profenseng ya KwaZulu-Natala. Fuerte gape ke abokado ya mathomo go feta.
Ye nngwe ya mehlare ya morago-rago ke Ryan, ye e ka bunwago go fihla morago ka Diphalane go tšwa ka dipolaseng tša ka KwaZulu-Natala. Mehlare ye mengwe ya ka morago ke Lamb Hass, o o lego mohlare wa morago-rago, gotee le Reed ya mkgokolo ye kgolo, Carmen-Hass le Gem.
Ka lebaka la sehla se se lekanyeditšwego sa go ba gona ga diabokado ka Aforika Borwa, batšweletši ba bantšhi ba poraefete ba hlabolotše mehlare go oketša sehla sa puno. Mehla ye mebedi e akaretša GEM, ye e bunwago ka morago ga dibeke tše nne morago go feta Hass, le Carmen-Hass, abokado ye e butšwago ya ka pejana, ye e bunwago dibeke tše nne pele ga Hass.
Translated by Lawrence Ndou