Maafukhada Afrika Tshipembe ndi mutshelo wa vhuria, une wa vha hone fhethu hune ha vha uri ho dala miri nahone hu ya rothola, nga maanda kha vundu la Limpopo na Mpumalanga.
Kha mvelo huna tshaka tharu dza maafukhada dzine dza vha uri dzina fhethu hune ha vha uri ho fhambana hune anga hula hone. Huna tshaka dzine dzi ya kona vhukuma u kondelela murotho dza
West-Indian ine ya bveledziwa hune ha fhisa vhukuma na fhethu hune ha vha uri ho tsitsa vhukati ha America, ngeno huna uri tshaka dza Mexican avocado dzi funa fhethu hune ha vha uri ho dzika, fhethu hune ha vha uri ho ita nntha hune mutsho wa hone wa vha uri wo tsa. Lushaka lwa vhuraru ndi, Guatemalan avocados, dzi funa fhethu hune ha vha uri ho dzika, hune ha vha uri huna miri hune ha vha na mitsho yo yaho nga u fhambana.
Tshaka dza tshi zwino u fana na Fuerte, hu yone ine ya divhea vhukuma Afrika Tshipembe, yo bveledziwa nga mupo na u tanganelana ha dzinwe tshaka. Kha nyimelo ya ma Fuerte, hu vha huna u tangana vhukati ha Guatemalan na Mexican, iya tendela tshaka dza hula mitsho ine ya vha uri yo fhambana u fhira lushaka lwa Guatemala.
Tshifhinga Tsha u Kana Maafukhada
Tshifhinga tsha u kana tshi ya vha tshi tshi khou bva kha mutsho na tshaka dza muri, Afrika Tshipembe, vhunzhi ha maafukhada a bveledziwa nga nwedzi wa Thafamuhwe u swika Khubvumedzi, zwi tshi khou bva kha kubveledzele zwine zwa nga lapfisa khalanwaha u bva nga Luhuhi u swika nga Lara.
Sa tsumbo, Fuete li thoma u vhibva nga Luhuhi u swika Lambamai, u mona na dorobo ya Levubu hangei kha vundu la Limpopo. Fhedzi unga thoma u afula ubva nga Shundunthule u swika Thangule kha zwipida zwine zwa nga zwa vho KwaZulu-Natal. Fuerte ndi lone afukhada line la tavhanya u vhibva.
Lunwe lushaka lune lwa vha uri lu ya tavhanya u vhibva ndi Ryna, ine wa nga i fula u swika Tshimedzi kha manwe a mabulasi KwaZulu-Natal. Dzinwe tshaka dzine dza tavhanya u vhibva ndi Lamb Hass, na dzinwe dzine dza vha Reed, Carmen-Hass na Gem.
Nga mulandu wa u fhungudzea ha Khalanwaha ya uvha hone ha maafukhada Afrika Tshipembe, vhunzhi ha vhabveledzi vho no vha na tshaka dzine dzi ya kona u vha hone dza lenga u fhela. Tsumbo mbili ndi GEM, ine ya fuliwa nga murahu ha vhege nna ho fulwa Hass, na Carmen-Hass, ine ya tavhaya u vhibva, ifuliwa vhege nna ha kona u da Hass.
Translated by Khalirendwe Nekhavhambe