Inyama yedada eSewula Africa ithengiswa ifakwe esiqandisini yaba nerhwaba. Lokha abanye abasabalalisi benyama, bathengisa amagoji kanye nesifuba, kwangaphakathi kwalo, kanye namafutha wedada, kanye neminye imikhiqizo yedada, efana nama-liver pate, smoked duck kanye neminye imikhiqizo yenyama yedada enganamalwelwe.
Eminye imikhiqizo yedada ekubalwa i-foie gras (isibindi sedada), amaqanda wedada, kanye nensiba zawo. Amadada asetjenziswa nemaplasini, asetjenziselwa kobana adle iminenke begodu alawula kudle iinunwanezi. Amadada la, enza umsebenzi omuhle ekuvikeleni ifuyo efana nenkukhu, ekobaneni zingadliwa makhondlo kanye nezinye iinlwana.
Ukulungiswa Kwenyama Yedada
Amadada ahlatjwa ebuhlabelo benkukhu, kodwana imitjhini esatjenziswa nakuhlatjwa wona iyahluka kancani kunaleyo ehlatjwa nakuhlatjwa iinkukhu, ngombana wona abudisi.Isitjhijilo esitholakala lokha nakuhlatjwa amadada nanyana ezinye iinlwana ezihlala emanzini, kulokha nazimadaniswa nenkukhu,kukobana zinamasiba angene aqina eskhunjeni. Imitjhini esetjenziswa ebuhlabelo benkukhu ngeze yarhona ukuhluba amasiba wamadada woke, begodu ngemva kokuwahluba ngemitjhini leyo kutlhogeka kobana aqedelwe ngokobana ahlutjwe ngezandla ngesinye isikhathi.
Indlela yokuwahlaba ifaka hlangana ukuwalengisa, ukuwashowuga, ukuwahluba, ukuwasusa kwangaphakathi, ukuwasikelela nange kutlhogeka kanye nokuwapaka. Idada elipheleleko lipakwa ngokusebenzisa i-vacuum, afakwe ebhokiseni bese inyama yawo ithengiswa ifretjhi, nanyana ifakwe esiqandisini yaba nerhwaba.
Inyama yedada, ingasikelelwa, ilungiswe, kwenziwe ngayo ezinye izinto ezifana ne-foie gras (duck pâté, duck bacon, inyama yedada ekhitjhwe amathambo, i-sausage kanye nenyama yedada e-smoked. Amafutha wedada, kuthiwa amnandi khulu, khulukhulu nakafakwe ekudleni okufana nemazambaneni arostiweko, begodu ayathengeka kune-butter. Amafutha la,aphuma enyameni yedada, kanye neskhumba sawo lokha nakahlatjwako kanye nalokha nakasikelelwako. Enza kubelula kobana inyama le, iphekeke ingatjhi.
Amaqanda Wedada
Amaqanda wedada akasimakhulu kwaphela kunewekukhu, kodwana anesikhuphatjha esikhulu khulu nasimadaniswa namaqanda wekukhu, kodwana amaqephe wawo nawo aqinile okutjho bona akaboli msinya.
Ikhwalithi yezakhimzimba eziseqandeni iya ngokobana idadelo liphiwa ukudla okunjani. Ukufuya amadada kuvamise kobana kwenziwe emaplasini lapha kufuywe imihlobo eminengi yefuyo, lapha amadada azikhambela ngaphandle ngokutjhaphuluka atjhiswe lilanga, izinga levithamini D, liba phezulu kunalawo wefuyo efuyelwa ngaphakathi kwendlu.
Amaqanda wedada, abonwa kungakhamba phambili, lokha nakubhagwa ngawe, ngebanga lokobana anamafutha amanengi, begodu isikhuphatjha sawo sinengi, begodu akanamanzi amanengi, okutjho bona anganambitheka, njengeraba lokha nakaphekwe khulu, amaqanda la anamazinga aphezulu weprotheyini kanye namafutha.
Ufuywa Kwamadada Afuyelwa Amasiba Wawo
Amadada afuyelwa amasiba wawo kanye neminye imikhiqizo efana ne-down. I-Down yifilamenti elula entofontofo etholakala emizimbeni yamadada ngaphasi, begodu ifakwa emibhedeni yezambatho kanye nezinto zokulala. Amasiba womzimba wedada, aqinile begodu asetjenziselwa ukufakwa emisamelweni, ezambathweni kanye nakweminye imikhiqizo.
Kunendlela ezintathu zokususa i-down kanye namasiba wamadada: i-post mortem (ngemva kokobana ahlatjwe) ukubuthelela amasiba lapha ahlatjelwe khona kanye nokuwahluba. Ukuhluba amasiba wedada ngezandla, okwenziwa kuma-factory wemaplasini ephasini loke, kuvam ukwenza bona iskhumba sawo kobana sidabuke, begodu kwenziwa qobe ngemva kwemveke ezisithandathu, ukuya kwezilikhomba.
Ukususwa kwamasiba wamadada kanye ne-down yawo ngemva kokobana ahlatjwe akurhonakali. Umthetho weSewula Africa uthi, ebuhlabelo lapha kuhlatjelwa khona amadada, amathumbu, igazi kanye namasiba kufanele bona zilahlwe.
Yini I-Foie Gras
I-Foie gras, itlhadlhula amafutha wesibindi, isibindi esinoniselwe kobana idada elinoniselwe kobana libe nesibindi esinamafutha. Ngaphambi kokobana amadada athuthelwe eendaweni ezikude, iinlwane zamanzi ezifana namadada ziyazivuthela, kunonisa isibindi sawo, okwenza bona abe namandla lokha nakathethe amakhambo amade.
Ekufuyweni kwamadada ekwenziwa amalanga la, ukobana afunzwe ngezandla amabele abijiweko kanye nama-fig kufana nakhabe kwenziwa ma-Grigi wakade, osele kwajanyiselelwa ngokobana kusebenzisa itjhubhu lokuwafunza. Amadada la, afunzwa ngekani isiphila kabili ngelanga, iimveke epheze zibe zimbili ngokusebenzisa itjhubhu ngendlela ebizwa bona yi-‘gavage’. Amadada avamise kobana avalelwe emakhejini, okwenza bona abhalelwe kuhlamba. Ekuyinto engafunekiko eenarheni ezinengi sekubalwa nenarheni yeSewula Africa.
Ngemva kokuhlatjwa kwamadada afunzwe isiphila ngekani, isibindi esikhulisiweko siyalungiswa, sikheniwe nanyana kwenziwe i-mousse nanyana i-foie gras pâté ngaso.
Translated by Busisiwe Skhosana