Ebalimini bomengo, ukukhetha iintjalo zomengo, kuya ngamafektha afana netlayimedi, kanye nokobana uvuthwa nini. (Ukwenzaisibonelo, iskhathi sokutjala umengo), ubukhulubeshelo, ubukhulu bomuthi kanye nokungabanjwa kwawo matjhatjhazi anzima kanye namanye amalwelwe. Ukwenza isibonelo, ezinye iintjalo ziyazwela lokha nakutjhisako, nanyana itlayimedi yomile begodu zingatjhiswa lilanga. Lokhu kufaka hlangana ubulwelwe be-Sensation kanye ne-Keitt. Umhlobo wentjalo ezibambelelako mhlobo we-Tommy Atkins kanye ne-Kent.
Imengo etjalwa ekuthomeni ukuya hlangana kweskhathi, eSewula-Africa yi-Tommy Atkins, Zill, Sabre, kanye ne-Irwin.Otjalwa hlangana kwesikhathi mhlobo we-Kent, Shelley kanye ne-Heidi, umengo otjalwa lada yi-Sensation kanye ne-Keitt.
Iintjalo zomengo ezitjalwa khulu esifundeni se-Western Cape yi-Kent, Joa, Sensation, Heidi, kanye ne-Tropica etja ne-Keitt.
Imihlobo emitjha yomengo sele ihlolwa yi-Agricultural Research Council (ARC). Lokha nakutlanywa imihloo emitjha yentjalo, kuvamise kobana ugrafitiwe ibunjwe ibemumuthi okhulako. Umhlobo womemgo i-Sabre ngiwo osetjenziswa khulu eSewula Africa.
Umengo Ongena Msinya Ukuya Kothela Hlangana Kweskhathi
Umengo womhlobo we-Tommy Atkin mhlobo womengo ovuthwa msinya omkhulu owakheke saqanda, obumvu khulu onombala ohlaza satjani nokusarulana oneskhumba esidege. Uneskhumba esiqinileko, omnomnambitheko osudu. Uhlala uskhathi eside ungonakali. Umhlobo westhelwesi ufaneleka kobana ungakhiqizwa eendaweni zoke begodu uyajamelana namatjhatjhazi anzima kanye ne-anthracnose.
I-Zill mhlobo westjalo ohlangana nendawo lokha eminye imincani owakheke saqanda. I-Zill ineskhumba esihlaza esinamatjhatjhaza ahlaza satjani nasarulana kodwana utjhuguluka ubebomvu ngebala lokha nawuvuthiweko. Umhlobo womengo i-zill umnandi begodu uqinile. Istthelwesi aninamthiya kodwana sibekeka kuhle.
Umhlobo womengo i-Sabre, omncani lokha eminye ihlangana nendawo. Usarulana ngombala nokubomvu. I-irwin uhlangana kwendawo lokha eminye imikhulu. Usarulana lokha eminye ibomvu ngombala.
UMengo Ovuthwa Hlangana Kweskhathi
I-kent mhlobo womengo ohlangana kwendawo, omkhulu ohlaza satjani ngomkombala ohlala unombala ohlaza loyo nanyana uvuthiwe. Umnandi begodu uqinile, uneskhumba esibutjhelelezi. I-kent ivamise ukusetjenziswa ngokobana wonyiswe lokha abanye benza ngawo ijuzi.
Umhlobo womengo i-shelley mhlobo womengo ovuthwa hlangana kweskhathi uvela enarheni ye-Israel. Umumengo ohlangana kwendawo owakheke njenge-abhula oneskhumba esiqinileko nesihlangana kwendawo, onomnambitheko osudu.
Umengo Ovuthwa Lada
Iskhathi somengo eSewula Africa siphela ngokobana kuvunwe umengo womhlobo we-Sensation kanye ne-Keitt ekulu. I-Sensation mumengo omncani nanyana ohlangana kwendawo ohlaza nokuphephuli. Uneskhumba esiqinileko, esinganamthiya begodu usudu. Umhlobo omdala womengo uthanda ukubola ngaphakathi begodu unemiraro wekhwalithi.
I-keitt mhlobo womengo omkhulu onenduma encani begodu uhlala uhlaza kotjani ngombala nanyana uhlaza. I-keitt mhlobo womengo omkhulu okhiqiza amatani ayi-30 qobe ihekuthara.
Translated by Busisiwe Prudance Skhosana