Mo molemiruing wa manko, go kgetha mohuta wa mohlare wa manko go bjala mohuta go tla go ithekgile ka dintlha tše bjalo ka maemo a bosa, nako ya go butšwa (mohlala. ka morago - goba pele sehleng-sa manko), bogolo bja seenywa le bokaaka bja puno, bokaaka bja mohlare le kgonagalo ya twantšho ya patso ya baketheria ya boso le malwetši a mangwe. Mohlala, mehuta ya mehlare ye mengwe ye amegago meamong a bosa a borutho, a omilego gape e ka ba ya go hlaselwa ke phišo ya letšatši. Tše di akaretša Sensation le Keitt. Mehuta ya mehlare ye e kgotlelelang kudu ke Tommy Atkins le Kent.
Dimanko tša sehla sa bogareng bja Aforika Borwa ke Tommy Atkins, Zill, Sabre, le Irwin. Mehuta ya mehlare ya sehla sa bogareng e akaretša Kent, Shelley le Heidi, gomme dimanko tša sehla sa ka morago ke Sensation le Keitt.
Mehuta ye megolo ye e betšwego ka Kapa Bodikela ke Kent, Joa, Sensation, Heidi, the new Tropica le Keitt.
Mehuta ye meswa e hlahloba ke Agricultural Research Council (ARC). Ge o hloma mehuta ye meswa ya mehlare, gantšhi di hlomesetšwe modikoteng wo o sa golago. Sabre ke modikota wo o šomišwago kudu ka Aforika Borwa.
Dimanku tša Ka Pela go ya Sehleng sa Bogareng
Tommy Atkins ke mohuta wa ka pela o mogolo wa bolee go ya go oblong, ka seenywa sa phopholego ye e khubedu bjo bo tseneletšego tša botala le boserolane le letlalo le le koto. E na le mmele wa go tiya, wa tlhale le tatso ye e boleta ye e bose. E na le bophelo bja šelofo bjo bo lokilego. Mohuta wa mohlare o swanetše ditikologo kamoka gomme o kgoitlelela patso ya baketheria ya boso le anthracnose.
Zill ke mohuta o mongwe o o nago le seenywa se se nnyane go ya go se se mo magareng sa bolee. Zill e na le letlalo le le tala le phopholego e e serolane gomme e fotegela go nna khubedu ka mmala ge e butšwa. Zill e na le tatso ye e lokilego le mmele wa go tiya. Seenywa ga se na tlhale eupsa ga se bolokege gabotse.
Sabre ke manku wa setšo wa tlhale, o lego monnyane go fihlela bogareng ka bogolo. Ke wa serolane ka marama a makhubedu.
Irwin ke manko wa bogareng go ya bogolo le sebopego sa oblong. O serolwane go ya bohibidu ka mmala.
Dimanko tša Sewhla sa Bogareng
Kent ke manko wa bogareng go ya go bogolo o motala o dulago o le motala le ge o butšwitši. E na le tatso ye e lokilego, mmele ke wa boreledi. Kent gantšhi e šomišetšwa go omišwa le go dira matutu.
Heidi ke manko o ka bogareng go ya bogolong ka sebopego sa pelo ka tatso ya ‘manko’ ye e fapanego.
Shelley ke mohuta wa mohlare wa sehla sa bogareng sa go tšwa ka Israele. Ke seenywa se se kgolwane sa sebopego sa apole le mmele wa go tiya le tatso ya bose.
Dimanka tša Sehla sa ka Morago
Sehla sa manko ka Aforika Borwa se fela ka Sensation ye nnyane le Keitt ye kgolo. Sensation ke manko o mo bogareng o motala wa boperese bo bonnyane. E na le mmele wa go tiya, wa go hloka tlhale le tatso ye bose. Ke mohuta wa mohlare o lego wa kgale o hlaselwago ke go bola ka gare le mathata a boleng.
Keitt ke manko o mogolo le ntlha ye nnyane gomme o dula o le o motala. Keitt e tumile kudu mo ditšong tša ka ge e šomišwa bjalo ka seenywa se se tala (se sa butšwa) le go tsentšhwa ka meetseng a letswai. Keitt ka mohuta wa mohlare wa kuno ye kgolo ye e tšweletšago palogare ya ditone tše 30 ka heketara.
Translated by Lawrence Ndou