Kha vhatavhi vha manngo, u nanga lushaka lwa manngo ane wa tea u atavha zwi ya bva na kha mutshelo wa hune wa khou do tavhela hone, na tshifhinga tsha u vhibva(sa tsumbo kana manngo ane avha uri aya tavhanya u vhibva). Tshivhumbeo tsha mutshelo nau dala, tshiimo tsha muri u kona u lwa na malwadze ane avha uri aya thasela miri. Sa tsumbo. Dzinwe tshaka adzi todi hune ha dudela, mutsho une wa vha uri wo oma nahone dzi nga swa nga duvha, hezwi hu vha hokatelwa na Tommy Atkins na Kent.
Manngo ane avha uri aya tavhanya vhukati ha Khalanwaha Afrika tshipembe ndi Tommy Atkins, Zill, Sabre, na Irwin. Dzine dza vha vhukati ha khalanwaha hu vha hokatelwa tshaka dzine dza vha Kent, Shelley na Heidi, na dzine dza vha uri dzi ya lenga dzine dza vha uri ndi Sensation na Keitt.
Vhunzhi ha tshaka dzine dza vha uri dzi ya tavhiwa Western Cape ndi Kent, Joa, Sensation, Heidi, na nntswa yaTropica na Keitt.
Huna tshaka nnzhi dzine dza vha uri dzi khou tumbuliwa nga vha Agricultural Research Council (ARC). Musi hu tshi khou tumbuliwa dzi tshaka nntswa, dzi vha dzo tou tanganiswa na muri une wa vha uri ndi kale u tshi khou di hula. Sabre ndi yone ine ya vha uri i ya shumiswa kha u tanganiswa Afrika tshipembe.
Manngo a u Thoma kha Khalanwaha
Tommy Atkins ndi lwone lushaka lwa u tou thoma vhukuma lune lwa vha uri lo vulea u tandavhuwela matungo na u lapfa, ndi mutshelo une wa vha na muvhala mutsuku na munwe wa tshitopana na lukanda lwa u oma. Yo khwatha vhukuma, na lukanda lutete na muthetshelo wa u difha. Iya dzula tshifhinga tshilapfu vhukuma mavhengeleni. Lushaka holwu lu ya tenda kha vhupo hothe hune ya vha i tshi khou bveledziwa khaho lu ya kona na u kondelela vhukuma malwadze na zwitzhili.
Zill ndi inwe ya tshaka dzine dza vha dza mathomoni dza vha thukhu dza dovha hafhu dza vha na tshivhumbeo tsho tandavhuwelaho matungo. A na lukanda lune lwa vha uri ndi ludala hune ha vha na muvhala une wa vha wa tshitopana. Dzi ya difha vhukuma dza dovha hafhu dza khwatha vhukuma. Wo no vhibva. Mutshelo hoyu una dzi fibre wa dovha wa sa dzule tshifhinga tshilapfu.
Sabre ndi linngo line ha vha lone line la tou divhea vhukuma la kale na kale, line la vha lituku lo linganelaho. Lina muvhala wa tshitopana na mashama matsuku.
Irwin yo linganela ya vha na tshivhumbeo tshilapfu, a vha na muvhala wa tshitopana na mutsuku.
Manngo a Vhukati ha Khalanwaha
Kent yo linganela ya nga i khou hula vhukuma i dzula i dala na musi yo no vhibva. Iya difha vhukua ya dovha ya khwatha na lukanda lutete. Kanzhi i shuma kha u omiswa na u ita juice.
Heidi na yone yo linganela i tshi khou hula ya vha na tshivhumbeo tsha mbilu ya vha na mudifho vhukuma wa linngo.
Shelley ndi ya vhukati ha khalwanwaha ine ya bva Israel. Lo linganela la vha na tshivhumbeo tsha apula na lukanda lune lwa vha uri lwo oma na mudifho une wa vha uri u vhukati.
Manngo a Mafheloni a Khalawanwaha
Khalanwaha ya manngo Afrika tshipembe i fhela nga manngo ane avha matuku ane avha uri ndi Sensation na Keitt khulwane. Sensation ndi thukhu yo linganelaho linngo lidala la muvhala wa phephulu. Lo khwatha, la sa vhe na dzi nnzi la dovha la difha. Ndi lushaka lwa kale vhukuma lune lu ya divhea lwa fulufhedzea.
Keitt ndi linngo line la vha uri ndi lihulwane la dovha la vha na pip thukhu la dovha la dzula lilidala na musi lo no vhibva. Li divhea vhukuma Asia hune la shuma li tshi kha di vha lidala. Ndi lushaka lune lwa vha luhulwane lune lwa vha uri lu ya bveledza vhukuma zwihulwane vhukuma zwine zwa swika 30 tonnes/ha.
Translated by Khalirendwe Nekhavhambe