Encwadini yakhe, u-Psychedelics Encyclopedia, Peter Stafford, ubike bona abosiyazi abanengi bayavuma kobana kunemihlobo emithathu yentjalo zesitjalo se-Cannabis ezihluke kwezinye ngendlela ezikhula ngayo, ngesiqu kanye ne (cannabinoid).
Imihlobo Ye-Hemp Kanye Ne-Cannabis
I-Cannabis sativa L. mhlobo we-cannabis eyaziwa ngokobana yi-hemp. Imihlobo yawo inenani le-THC elingaphasi kwe-0.3%. I-hemp ine-cannabis engahlanyisiko. Umhlobo lo westjalwesi utholwe e-China begodu ngonyaka ka-1753 kwabikwa kobana ubekwe ngaphasi kwe-Cannabis sativa Linnaeus, ethiyelelwe ngo-Carl Linnaeus, ogade ayi-botanist ye-Sweden. Imihlobo yestjalwesi ufaneleke kobana kungenziwa ngawo imbewu ye-hemp bekukhiqizwe nangawo umthiya.
I-Cannabis indica Lamarck stjalo esilihlatjhana esifitjhani begodu akukafaneleki kobana kungenziwa ngaso umthiya. I-Cannabis indica nanyana isango ineleveli eliphezulu le-tetrahydrocannabinol (THC) ehlanyisako kanye ne-THC ceyi-18% ukuya ku-38%.
Umhlobo wesithathu yi-Cannabis ruderalis, eyatholwa ngonyaka ka-1924 enarheni ye-Siberia lapha ikhula khona ibe yi-60 cm ngobude, begodu ikhula ngemva kwemveke ezilikhomba. Imbewu ye-C. ruderalis gade isetjenziswa emingcwabeni ngeminyaka yabo-450 B.C.
Umhlobo we-C. Sativa kwabamhlobo wokuthoma ukurhatjhekela ephasini loke, okungenzeka kobana kungebanga lokobana linemithiya esebenzako nembewu edlekako.
Imihlobo Ye-Hemp
Iziko eliphezulu le-Kentucky lomnyango we-Agriculture, Food and Environment Cooperative Extension liyelelisa abalimi kobana lenze irhubhululo emihlobeni eyahlukahlukeneko yesitjalo se-hemp ebahlose ukusitjala. Amakhomponenti waso angatholwa emthiyeni, eyenza amatjhila kanye nezinye izinto zokwakha, imbewu ye-hemp eyenzelwe ukukhiqiza amafutha nanyana iinqenye zesitjalo sokukhiqiza amafutha. Batlhoga ukukhiqiza imihlobo ekunobufakazi angakwenza lokho.
Imihlobo ye-hemp emide ngaphandle isetjenziselwa ukwenza amatjhila, imbapiri kanye nendumba. Imithiya eqinileko yangaphandle aqinelele esiqwini esingaphakathi.
Ingaphakathi lestjalwesi elisakhuni lisetjenziswa entweni zokwakha, embaseleni, kanye nemibhedeni yenlwane. Lokha imbewu ye-hemp ikhipha amafutha azele amaprotheyini kanye neflowura yamaprotheyini. Amathuthumbo kanye namakari wayo asetjenziselwa ukudosa amafutha arege nge-CBD asetjenziselwa ukwelapha kanye nezinye izinto zepilo.
Imihlobo ethize ye-hemp yemabubulweni isetjenziselwa ukukhiqiza imikhiqizo ethize; imbewu ye-hemp, nemithiya yayo yenza okubili ukukhiqiza imithiya kanye nembewu. I-hemp eyenza okubili ayikhiqizi umkhiqizo ofana naleyo eyenza into yinye.
Translated by Busisiwe Prudance Skhosana