Ibizo elijayelekileko: Ikonofula
Ikonofula ikhiqizwa ephasini loke kodwana ivela e-Europe kanye ne-Central Asia.
Ukuqhazwa Kwesitjalo
Isitjalo sinemirabhu evela phasi eyenziwa ziinqephu ezingabasithandathu ukuya emasumini amabili. Isidindi esifitjhani, esingaba masentimitha asithandathu ngobude. Kusuka lapho amakari aspara akheke satjani angaba masentimitha ayi-5 ukuya kwayi-20 phezulu ehlabathini. Amakari afana nanyana ahluke kancani kwewe anyanisi newe-leek ngombana asipara lokha amanye we-Alliums anamakari erondo.Ukusetjenziswa Kwaso
Ikonofula isetjenziswa njengomtjhoga owelapha ukuvuvuka, ngombana kukholelwa bona iphungula i-blood pressure nokobana ilawula ileveli ye-cholesterol nokobana isetjenziswa njengesinandiphisi isikhathi esingadlula iminyaka eyi-5000.Iimfuneko Zehlabathi kanye Nokulungiselwa Kwawo
Ihlabathi ehle ebamba amanzi ene-Ph eyi-6 ukuya ku-7. Ihlabathi kufanele inothe ngekhemikhali. Nakufunekako hlanganisa umanyoro kanye nekhomposti ngaphambi kokobana utjale lokha nawulungisa nalokha nawulevela ihlabathi yalapha uzotjala. Ihlabathi kufanele ilinywe itjhingele ibe masentimitha ayi-20 milimitha ukuya phasi. Ukulungiswa kwayo kulawula ikhula eliphezulu ehlabathini.Ubujamo Bezulu
Ikonofula itjalwa endaweni enobujamo bezulu obuphakathi nendawo. Amazinga womtjhiso ngesikhathi sokutjalwa kwayo kufanele abe hlangana na-12 kuya ku-28 yama-degree ukuze ikhule kuhle. Iyazwela lokha kunobuswe ngombana inemirabhu engatjhingeli phasi. Njeke kumbono omuhle ukutjala ngaphasi kokuthelelela okulawulwako, ungathembeli ekuneni kwezulu nangabe ufuna ukuba nomkhiqizo omnengi.Ama-Cultivars
Kunemihlobo emibili wekonofula. Ikonofula yomhlobo we-Soft neck kanye nekonofula womhlobo we-hard neck, begodu umhlobo ngamunye unemihlobo eminengi nokuhluka okunengi. Ikonofula ethandwa khulu itjalwa eSewula Afrika mhlobowe - soft neck ngombana uqinile, begodu ungabekwa isikhathi eside.Ikonofula ye-soft neck ineenqephu ezinengi kunomhlobo wekonofula ye-hard neck enganamagiqa amanengi amakhulu. Ekuvikela ikonofula ye-soft neck kukobana ikonofula enesikhumba esingathi sisambapiri esiyizombeleziko esenza ibholo. Ikonofula ye-hard neck ineskhumba esondileko sangaphandle begodu ayibekeki kuhle.
Imihlobo yekonofula i-soft neck yi: Silverskin kanye ne-Artichoke.
Imihlobo ye-Hard neck garlic yi: Rocambole, Porcelain kanye ne-Purple Stripe.
Translated by Busisiwe Skhosana