Ligama lelijwayelwe: yi Garlic
iGarlic nyalo yentiwa mhlabawonkhe kepha imvelaphi yayo ise Europe nase Central Asia.
Simo Selitulu endzaweni
iGarlic ingalinywa endzaweni yesimo lesivulekile. Lizinga lelikahle ngesikhatsi sekukhula lisemkhatsini welishumi nakubili nemashumi lamabili nesiphohlongo ema degrees centigrade. Ingamelana netimo letibandza kakhulu kanye naletifutfumele kepha loku kunciphisa kukhula nekuhluma kwalesigadla. Iyincelencele kunkinga yekufutfumala ngenca yemphandze yayo leshonako. Ngakoke niyacwayiswa kutsi nihlanyele ngaphansi kwekunakwa ngekunisela phindze ningatsembeli etulwini uma kwenteka kukhokha lokuphakeme kuvela.Tidzingo te Mhlabatsi kanye Nemalungiselelo
Lemihlabatsi lelungile ngulenelibumba nematje lamancane netintfo letifile lodvonseke kahle futsi lone pH ya 6 kuya ku 7. Imihlabatsi kumele ivutfwe ngetintfo letikhicitwa tintfo letiphilako. Umakudzingeka hlanganisa manyolo nemcubba kahle ngaphambi uhlanyele uma ulungiselela phindze ulinganisa lendzawo yekuhlanyela. Lomhlaba kumele uhlanyelwe kusisindvo lesimasentimitha emashumi lamabili kuyaphansi. Lawa malungiselelo anaka lelikhula lelingetulu kwemhlabatsi.Kusetjentiswa
iGarlic isetjentiselwe tintfo tekwelapha njengentfo lehlisa kushisa, futsi kwatiwa kutsi yehlisa kukhuphuka kwesifo sashukela iphindze inake sigaba se cholesterol futsi iphindze yasetjentiswa njenge condiment ngetulu kweminyaka letinkhulungwane letimakhulu lasihlanu.Inchazelo yekuYihlanyela
Lenhlanyelo inetimphandze letiphuma ekucaleni kwalendingilizi leyakheke yaba semkhatsini ngetigadla letisitfupha nelishumi nakubili. Lelihlanga layo lifishane, lingaba ngemasentimitha lasitfupha ngebudze, phindze likhule liye ngetulu kancane kwemhlaba ngetulu. Kusuka lapho lotjani lobupatalele-lokufana nemacembe lasuka ku anyanisi naboshaladi ngekutsi tipatalele kantsi ke lalamanye ema Allium anemacembe latindingilizi.Indzawo Yekuhlanyela
Timbili tinhlobo te garlic. Kune Soft neck garlic ne hard neck garlic, bese ngayinye inhlobo ineticheme letiningi noma tinhlobo letehlukene. Lenhlobo leyatiwako lelinywa kakhulu eNingizimu Afrika ngulenhlobo ye soft neck ngoba icinile, futsi ingagcinwa sikhatsi lesidze. Le soft neck inetigadla letiningi kunale hard neck garlic levama kuba naletincane, tigadla letinkhulu. Lekuphindze kuvikele letigadla tale soft neck garlic kutsi inetigogo letiningi ngaphandle letisaphepha letitungelete letigadla letenta lebhola. iHard neck garlic inalamancane kantsi leticheme tangaphandle tincane kakhulu futsi atigcini kahle.Tinhlobo te Soft neck garlic: yiSilverskin ne Artichoke
Tinhlobo te Hard neck garlic: yi Rocambole, iPorcelain ne Purple StripeTranslated by Phindile Malotana