Ukwandiswa Kwayo
Yandiswa ngokutjala igiqa layo elenza isitjalo sekonofula.Indlela Yokutjala
Ikonofula itjalwa emibhedeni ephakemeko engaba limitha linye ubude nanyana emhlabeni osipara oleveliweko ukuqiniseka bona ikhipha amanzi. Ikonofula iyahlutjwa, bese kuthi amagiqa wayo ahlukaniswe. Khetha ikonofula eqinileko begodu nephilileko lokha ufuna ukuyitjala, ukuqiniseka bona uthola umkhiqizo wekonofula ofanako. Amaforo atjhingela phasi ngamasentimitha amahlanu embiwa ngetregera eenkhaleni ezifunekako.Iinkhala
Ikonofula ivamise ukwenzelwa iinkhala ezihlukaniswe ngamasentimitha alisumu emareyini emasentimitha ayi-20 kuya ku-30, okuya ngokobana ufuna ikonofula enesilinganiso esingangani. Lokhu kungakhipha iziqa zekonofula ezihlangana kwe-400 000 kuya ku-500 000 ku-hectare ngayinye.Isikhathi Sokutjala
Ikonofula itjalwa kwesinye nesinye isikhathi hlangana senyanga yakaMhlolanja kanye neyakaMrhayili.Isikhathi Sokukhula
Ikhula ngemva kweenyanga ezine kuya kwezihlanu ngemva kokutjalwa.Ukuvundisa
Bawa bona ihlabathi yakho ihlolwe ukuqiniseka bona ivundile nokobanyana inazo iimfuneko zokondleka. Lokha nawuyilungisela ukutjala nokulima ikomphowusti kanye nomanyoro ungalungiselela umanyoro weenkukhu njengesivundisi ozosifaka ngaphambi kokobana uyitjale. Iziqa zekonofula etjaliweko zisebenzisa okungaphakathi kwawo ukusunduzela umrabhu ngaphandle zikhuphe amakari wokuthoma.Ngemva kwamalanga ayi-14 ukuya kwayi-21 uyitjalile, rhatjha hlangana kwe-500 kuya ku-800 yamakilogramu ku-hectare ngayinye yehlanganiselaye-Nitrogen, Phosphates, kanyene-Potassium endaweni etjaliweko. Ezokuthulakala emrajini wekonofula esandukutjalwa begodu iqakathekile ekwenzeni umrabhu omuhle kanye nekwakhekeni kwamakari, ekuqiniseka bona kuphuma ikonofula enesilinganiso esihle.
Okungasenani ngemva kweenyanga ezine zokutjala, faka hlangana kwe-250 kuya ku-300 yamakhiligramu ku-hectare ngayinye ye-3:2:3 endaweni etjaliweko. Nangabe ikhula kuhle angeze kusatlhogakala bona ufake esinye isivundisi.
Ngesinye isikhathi ehlabathini engakavundi, nanyana eyisanda kungatlhogeka bona ufake esinye isivundisi.
Ukuthelelela
Ukufaka i-mulching kuhlala kusisenzo esihle, ekuphunguleni ikhula kanye nekwenzeni bona ihlabathi ihlale inobuswe. Iintlhogeko zamanzi ziya ngokobana ihlabathi mhlobo onjani nokobana ubujamo bezulu bunjani. Ikonofula ibanjwa msinya kugandeleleka ngokomkhumbulo ookubangwa bubuswe ngombana imirabhu yayo ayitjhingeli phasi.Njeke kuqakathekile ukobana ube nesistimu engatjhugulukiko yokuhlola ubuswe emasentimitheni wokuthoma ayi-30 wehlabathi, ukuphungula ubungozi. Lokhu kungenziwa nge-neutron probe, nanyana i-tension meter, nangabe lokhu akurhonakali ungazenzela ngezandla ngokusebenzisa i-augur nanyana i-spade / i-garafu.
Translated by Busisiwe Skhosana