Iintjalo Ezivala Ihlabathi
Ukurhatjheka kwamathuthumbo kubangwa zizinto ezimbalwa, ekubalwa hlangana nazo umoya ophephetha urhatjhe amathuthumbo, amazinga womtjhiso wenarha leyo, iphetheni yezulu, i-topography kanye nezinye izinto zejiyografi. Njeke, lokha nakusikhathi sonyaka sokuthuthumba kwamathuthumbo, tjhayela uzulazule kancani iinarha ezihle ezinawo, nekuzinarha ezinamathuthumbo amanengi, nanyana amathuthumbo angakavami.
Ikhambeli lingadinisa begodu umkhambi angaba nombuzo munye kwaphela emlonyenakhe,kobana ngiziphi iindawo ezihle lapha ngingabona khona amathuthumbo la? Kufana nokuzuma amabhubezi e-Kruger National Park ngaphandle kokobana amathuthumba akadli iimvakatjhi ezibuya e-Japan.
Into yinye ekutlhogeka kobana uyazi kukobana amathuthumba akhula anarheni lapha ihlabathi yakhona iphazanyiswa khona, lapha iintjalo zisuswe nanyana ziphungulwe khona.
Lokhu kuvamise ukwenziwa enarheni emaplasi esetjenziswa njengamadlelo nanyana enarheni eyakhe yapetwa kodwana kwangatjalwa litho ngesinye isikhathi ebizwa bona yimadlelo amadala.
Lokhu kungebanga lokobana amathuthumbo ayincenye yezinto ezivala ihlabathi, kodwana isitjalo sokuthoma ukumila endaweni esandukupetwa.
Nange inarha iliswe yangenziwa litho isikhathi eside, izala amahlatjhana kanye nemitjhana (ekuzizinto zesibili ezivala ihlabathi) njeke amathuthumba angeze abenesikhundla sokumila nasele kumile iintjalo zesibili ezivala ihlabathi. Njeke iindawo ezihle zokubona amathuthumbo kukobana uye emaplasini, emadlelweni kanye naduze kwendlela.
Ukwenza isibonelo, inarha ye-Matjiesfontein Farm, eseduze kwe-Nieuwoudtville, elandela indlela elula yokugcugcuzela kobana uyokubona amathuthumba la.
Ifihlo, bathi ngile, bavulela izimvu ziye emasimini ekupheleni kwakaSewula kobana ziyokudla amathuthumba asele omako la (zenze umsebenzazo). Ifuyo isiwa ngoMhlolanja ukupha iintjalo ithuba lokobana ziphumule bese kuthi ngoRhoboyi nangoSewula amathuthumbo amile godu. Amathuthumbo we-Skilpad wildflower garden ese-Namaqua National Park enziwa njalo nawo kodwana, nanyana bangawapeta kuhle angaba mahle.
Translated by Busisiwe Skhosana