Izindawo Ezihle Kakhulu Zokubuka Izimbali e-Richtersveld

Isimbozo Somhlaba

Ukusabalalisa okungaqondakali kwezimbali kubangelwa izici eziningana, kufaka phakathi ukubunjwa kwenhlabathi, ukuhlakazeka kwembewu, ukushisa kwamanzi, amaphethini emvula, kanye nezinye izinto ezingabonakali. Ngakho-ke, phakathi nenkathi yembali, kufanele ushayela kancane ukuze uthole amasayithi amahle kakhulu, ngenani, ukuhlukahluka noma ukungajwayeleki.
Le nquba ingathatha isikhathi sonke futhi abavakashi babonakala benombuzo owodwa emilonyeni yabo, 'ikuphi indawo enhle yokubona izimbali?'. Kufana nokubuza izingonyama e-Kruger Park, ngaphandle kokuthi izimbali azidli izivakashi zaseJapane. Into okumele uyiqaphele ukuthi izimbali zivame ukukhula emhlabathini ophazamisiweyo lapho izimila zisungulwe, zisuswe noma zanciphiswa.
Lokhu kuvame ukuvela endaweni yasepulazini esetshenziselwa ukondla izilwane noma ezindaweni ezingasetshenziswanga eziye zalinywa zingatshalelwanga ngaphambili, ngezinye izikhathi zibizwa ngokuthi 'insimu ezindala.' Lokhu kungenxa yokuthi lezi zimbali ziyingxenye yalokho okuyaziwa ngokuthi isembozo somhlaba, izinhlobo zokuqala zezitshalo ezizoqala ukukhula emhlabeni.
Uma umhlaba ushiywe wodwa isikhathi eside kakhulu, uzomila zihlahla nezimbali ngeke zithole isikhala sokukhula uma izihlahla seziqalile. Ngakho-ke, izindawo ezinhle kakhulu zokubuka izimbali zikhona emapulazini asetshenziselwa ukondla kanye nasezindleleni ezihamba emgwaqeni ezingalindelekile.
Isibonelo, cabanga ngesizinda sezimbali esicebile ngokuyisimangaliso eMateniesfontein Farm, ngaseNieuwoudtville, elandela indlela elula kakhulu yokukhuthaza le nqubo.
Imfihlo, bathi, ikanje: izimvu zivunyelwa emasimini ekupheleni kukaMandulo ukudla izimbali ezomile kanye nokuzikhulula. Izilwane zikhishwa ngoNdasa ukuze zinike izitshalo ithuba lokuphumula bese kuthi ngo-Ncwaba/Mandulo, izimbali ziphuma futhi. Isivande le-Skilpad yasendle e-Namaqua National Park sisebenzisa indlela efanayo, kodwa ukulima okuhle kuzosebenza futhi.

Translated by Nsika Khoza