Nange ubhukhe amahlalo begodu sele ulungile ukubona amathuthumbo. Wenzani? Naka amathiphu amabalwa:
Buza Imibuzo
Khuluma nabantu uthole imibono. Ubujamo buyatjhuguluka qobe lilanga njeke khuluma nabahlali bendawo le begodu utjele iimvakatjhi kobana zitjhiye ama-feedback wokobana gade bakuphi nokobana baboneni. Abasebenzi kanye neminyango yezokuvakatjha bangakupha ilwazi lakamuva kobana ngiziphi iindlela ongakhamba kizo ezitjengisa amathuthumbo kuhle.
Ungazikhiphi Msinya Khulu
Amathuthumbo aba mahle khulu elangeni begodu avuleka emini nasele kufuthumele. Bese ayavaleka lokha ilanga nalitjhingako. Njeke,hlela ukuwabona hlangana kwaka-11:00 kanye no-15:00 – okuya ngokobana ilanga likhanya kangangani langelo. Begodu tjheja bona amathuthumbo amanengi akavuleki nakancani lokha izulu nalinako, nanyana amafu nakavalekileko nanyana nakunomoya.
Qala Amathuthumbo Ulandele Ilanga
Zibeke hlangana nelanga kanye namathuthumbo ukuze uwabone kuhle. Ekuseni, ukwenza isibonelo, amathuthumbo asendleleni esandleni sesincele ungawathola avulekile, -vice versa. Ngamadina lokha nawutjhayeleko, linga kobana ilanga libe ngemva kwakho.
Qala Iinyawo Zakho
Kunamabanga amanengi wokobana kungebanga lani kunemihlobo eminengi yamathuthumbo e-Namaqualand, njeke ungaqali kwaphela amathuthumbo amanengila ngokuwaqalela kude. Amanye amathuthumbo angakavami kanye nentjalo ezincani zikarisa khulu kunamathuthumbo womhlobo wama-diasies aba ngayimadi. Njeke guqa uwabonele eduze.
Ungatjhayeli Msinya Khulu
Imihlobo eminengi yamathuthumbo akarisako akusilula ukuwabona, njeke tjhayela kabuthaka unukelele amathuthumbo. Kuqakathekile nokobana utjhayele ngokutjheja ngombana kuzabe kunabantu abanengi abajamako nabo endleleni bathathe iiinthombe bebakhambakhambe. Khumbula bona iiindlela ezinengi ezinamathuthumbo amanengi azinasikontiri begodu ithuli elitjhiywa zinkoloyi ezigijimako lingenza bona iintjalo kanye nabantu bangathabi.
Yenza Umsebenzi Wakho Wekhaya
Thola incwadi etjengisa ngamathuthumbo, efana neye-National Botanical Society’s Wildflower Guide series, uzijwayeze ngentjalo ozobe uzibona. Njengobana ngatjelwa yimenenja yehotela i-harred wathi kimi, abantu bendawo le bamatasatasa khulu ukobana bakubambe isandla sakho. Ungakhi ithuthumbo nalinye uyolitjengisa abangani bakho ebhareni.
Iba nomoya Olungileko, gada Kobana Ukhuluma ngani
Amathuthumbo akalandeli indlela ethize njeke akekho ekufanele awabambe nanyana akunikeze amagaranthi. Kodwana ungafiki ngokungatjheji ngendaba le. Begodu ungabeki i-service provider yakho umlandu nange angasi mahle kunangendlela ebe uthemba bona azaba mahle ngayo.
Faka Iingubo Ezinengi Nawuvakatjhileko
Ngebanga lokobana kunama-guest house kanye namahotela abahlali abanengi bavula imizabo kanye namaplasi wabo, bawavulela iimvakatjhi ezikweriya ebusuku ngenkhathi zonyaka ezimatasatasa. Bawa kwamanye amasentha wemvakatjhi kobana bakuphe ilwazi ngelisti yamahlalo azijameleko ongahlala kiwo.
Paka iimpahla ezifuthumeleko ngebanga lokobana amazinga womtjhiso angehla aze afike eqandeni ebusuku. Nange ukhemphile, faka isikhwama sokulala esinye.
Thola Umhlahlindlela Ozijameleko Wamathuthumbo
Amanye amadorobha ase-Namaqualand anabantu abahlahla indlela abakhethekileko abakhona abangakuphekelela bakuse eendaweni ezihlukahlukeneko. Lokhu kuzokungezelela ukuthanda kwakho imihlobo yamathuthumbo wama-‘daisies’. Iinhlangano ezimbalwa nazo zisebenza ukulolonga amalunga wendawo le ukobana babe bahlahlindlela - nekusisongululo esitlhoga ukusekelwa. Buza umnyango wemvakatjhi wendawo ukuthola imininngwane.
Translated by Busisiwe Skhosana