Switsundzuxo Swaku Vona Mabilomu e Richtersveld
OK, se u buke ndzhawu ya byetlelo naswona se utiyimisele kuya vona mabilomu. Xana u endla yini lexi landzelaka? Hileswi switsundzuxo nyana:
Vutisa Swivutiso
Vulavula na vanhu kutani utwa leswaku vartsundzuxa yini. Swiyimo swa cinca masiku hinkwawo se swikahle kuva u bula na vanhu va ndzhawu liya xikan’we na vayeni van’wana kukuma matitwelo ya vona eka leswi vanga swivona kumbe ku switokota. Vatirhi vale ka tihofisi ta vupfhumba ta ndzhawu liya vanga kunyika vuxokoxoko byintshwa eka tindlela na tindzhawu leti unga vonaka uri kona.
Unga humi Wahari mixo Swinene
Mabilomu ya landzelela dyambu naswona ya pfuleka loko dyambu riya ri kufumela. Yata tlhela ya pfaleka loko dyambu ri tlomuta. Se, kunguhata kuya vona e xikarhi ka 11:00 na 15:00 – kuya hiku dyambu ri vangamisa kuyini eka siku rero. Naswona tekela enhlokweni leswaku mabilomu yanwana yangaka yanga pfuli dyambi hinkwaro lokoi kuri na mpfula, mapapa kumbe kuri na moya.
Langutana na Mabilomu Naswona u Landzelela Dyambu
Tiveki exikarhi ka dyambu na mabilomu kuvona yari eka xiyimo xa kahle. Ni mixo, tani hi xikombiso, mabilomu lawa yanga eximatsini xa patu yanga pfuleka kutani nanhlekani kupfuleka lwawa yan’wana. Loko uri eku chayeleni ringeta ku siya dyambu endzhaku ka wena.
Languta Emilengeni ya Wena
Kuna tinxaka totala tohambana hambana ta mabilomu e Namaqualand, se unga tsan’wi lawa uya vonelaka empfhukeni. Yan’wani lawa ya kalaka na swimilani leswintsongo naswona switsakisa ngopfu kutlula lawa yanga toloveleka yati daisies lawa ya endlaka ti ‘carpets’. Se khinsama hi matsolo kutani uya vonela ekusuhi.
Unga Chayeli hiku Hatlisa Ngopfu
Yotala ya tinxaka leti tsakisaka ya hlupha kuya vona, se hunguta rivilo kutani u nuhetela mabilomu. Switlhela swiva na nkoka leswaku u chayela hi vukheta tani hileswi vanhu vayimaka vateka swifaniso kumbe ku famba hi milenge. Tsundzuka leswaku mapatu yotala ya magondzo lawa ku voniwaka mabilomu kusuka kona ayana xikontirhi naswona ritshuri leri vangiwaka hi timovha leti hundzaka ringa endla leswaku mabilomu na vanhu vangavi na ntsako.
Endla Vulavisisi
Kuma buku yaku vona mabilomu, kufana na leti fambelanaka na National Botanical Society’s Wildflower Guide series, kutani uti toloveta hi swimilani leswi ungata swivona. Tani hileswi unwana wa mufambisi wa hodela anga ndzi byela ha kona, vanhu vandzhawu liya va bizi ngopfu lero vange koti kuku khoma hi voko. Naswona unga tsemi mabilomu kuya komba vanghana e byaleni.
Vana na Miehleketo ya kahle, vana na Miehleketo ya Nhlayiso
Mabilomu aya yingiseli munhu naswona akuna munhu na wun’we loyi angaya tiyisisaka. Se unga fiki onge una vun’winyi kumbe u tiva ngopfu hikuva unga nyuma. Naswona unga soli munhu loko leswi uswivonaka swinga tsakisi kuya hi leswi awuswi ehleketile. Swimilani leswi swinyenyela ngopfu lero loko uri kona languta laha u kandziyaka kona hikuva unga dlaya mabilomu yotala naswona swikahle kuva u famba laha kunga tsemiwa ndzelekano.
Swivuyisi laha kaya Kutani u Hlanganisa
Tani hileswi kungana vukalo bya ti hodela nati guest house, vaaki votala vapfula makaya ya vona na mapurasi kuva vata amukela vuyeni lebyi vaka kona hinkarhi lowu wa nguva ya mabilomu. Vutisa eka ndzhawu ya vuxokoxoko bya vupfhumba kuva vaku nyika vuxokoxoko bya byetlelo lebyinga bya vanhu va ndzhawu liya. Teka swiambalo leswi kufumelaka swinene hikuva maxelo ya kota ku chika yaya eka zero exikarhi ka vusiku. Loko kuriku uya etlela e tendeni, swingava kahle kuva uta na sleeping bag xin’wana.
Kuma Muleteri eka Mabilomu
Madoroba yan’wana e Namaqualand yana valeteri lava ntirho wa vona kunga kupfuneta hi nguva leyi kuva va fambisa vapfhumba kuya eka tindzhawu tohambana hambana. Leswi swita kupfuna kuva u tsakela swinene mabilomu yati ‘daisies’. Minhlangano yotala nayona yile kutirheni hi matimba kuva yiletela vanhu va ndzhawu liya kuva vava valeteri – mhaka leyi yinga kahle kuyi seketela. Vutisa eka hofisi ya vupfhumba ya ndzhawu liya kukuma vuxokoxoko byotala.
Translated by
Ike Ngobeni
