Ukungezelela kilokho ubukhulu beplasi bukghelebha abenzi bewayini ukuplana bona iwayini bazoyenza njani, nokobana bazoyithengisa njani. Indlela ehle yokwazi bona iplasi linamadiriyibe angangani kungenziwa ngokubala inani lehlanganisela yamadiriyibe esivinini ngasinye. Amadiriyibe wawayini avunwa ngesilinganiso seswigiri kanye nese asidi, nokuya ngokobana ekugcineni kufuneka iwayini enjani. Isilinganiso seswigiri ne-asidi emadiriyibeni sitjengiso sokuvuthwa kwawo. Ezinye iintengiso zokuvuthwa kwamadiriyibe Yizinga leswigiri I-Acidity Umbala Ukunambitheka kwawo I-pH
Amazinga Weswigiri
Izinga leswigiri emadiriyibeni limedwa nge-refractometer nanyana i-ballingmeter ebizwa ngokobana yi-degree balling (°B) elinganiswa na-1.0 gm/100 yomhluzi wamadiriyibe avangwe namanzi. I-colombar yewayini emhlophe ingavunwa ku-± 20°B lokha amadiriyibe abomvu avamise ukuvunwa phakathi kwe-23 kanye ne- 25°B. Izinga leswigiri lingehla ngemva kokuna kwezulu nanyana ngemva kokuwathelelela lokha amazinga atjhisako wobujamo bezulu akhuphula ibelo lokungena kweswigiri.I-Acidity
I-Acidity emadiriyibeni ingaphunguka izinga le-aswigiri. Nakungasinjalo iwayini izobaspara Izinto ezimbili eziqakathekileko e-asidini yewayini yi-tartaric acid kanye ne- malic acid. I-Tartarica acid yi-asidi eqakatheke khulu emadiribeyini eletha ukunambitheka kwawo nokugcinwa kwewayini lokha i-malic acid, iyi-asidi eyenzeka ngokwemvelo etholwa emadiriyibeni. I-Malic acid idliwa yi-malolactic bacteria ukwenza i-lactic acid kanye ne-carbon dioxide.I-pH
I-pH yewayini isitjengiso sokobana i-asidi ingenelele emadiriyibeni.Lokha i-pH nayisezingeni eliphasi kulapha iwayini izokuba ne-esidi enengi. Ukunambatheka nokubabafretjhi kwewayini ebomvu khulukhulu kuthinteka ngendlela engakalungi lokha i-pH idlula 3, 5-3, 6. Lokhu kungahlathululwa njengewayini ematofotofo. Iwayini eyenziwe ngamadiriyibe ane-pH eyiluphali kuhle begodu ayinambitheki kamnani. Ukumedwa kwe-pH kuqakatheke khulu ekukhetheni ukunambitheka, ukusimelela kanye nombala wewayini ebomvu.Kokubili i-acidity kanye ne-pH kunomthelela oqakathekileko ekutheni iwayini ingabekwa isikhathi esingangani Ukwakheka kombala emadiriyibeni wewayini ebomvu kuthoma ngoNobayeni /nangoTjhirhweni. Ihlanganisela yombala yenzeka njengalokha kwenzeka ihlanganisela yenambitheko emaselini welarha ngaphasi kwesikhumba sediriyibe. Emihlobeni eminengi yamadiriyibe enza iwayini emhlophe, umbala uwuthola esikhunjeni sawo kwaphela, inyama yawo ihlala imhlophe.
Umbala wewayini uvela esikhunjeni sawo kungasi emhluzini wawo, umhluzi emadiriyibeni amanengi abomvu unombala omamanzi. Lokha umhluzi wediriyibe uthoma ukubila uhlanganiswe neskhumba esibomvu, iskhumbesa sidaya umhluzi loya bese kwenzeka iwayini ebomvu. Umbala ungabonwa kuhle e-laboratory kodwana ungabonwa kuhle godu esimini yamadiriyibe ngokobana kuputjuzwe i-berry kuhlikihlwe iskhumba ukuze kubonwe bona umbala uzokuphuma na. Umhlobo wamadiriyibe omhlophe usarulana nanyana uhlaza satjani okukhanyako ngombala.
Ukunambitheka
Kunemihlobo emibli yokunambitheka etholakala ewayini yamadiriyibe: amadiriyibe anokunambitheka kwemvelo kanye nephunga elidluliswe yi-yeast lokha iwayini nayibilako. Ukunambitheka kwemvelo kwamadiriyibe kwenziwa yidiriyibe efana nomnambitheko we-muscat yekhabo le-hanepoot kanye namadiriyibe amhlobo we-muscadel. Ukunambitheka okwenzweka lokha kubila amadiriyibe ngeze uwuzwe ediriyibeni kodwana wenziwa yi-yeast ekhethekileko efakwa emhluzini ukwenzela ukubilisa iswigiri emadiriyibeni.Translated by Busisiwe Skhosana