Ka morago ga dikgwedi tše 12 tša tlhokomelo ya jarata ya moterebe, go fihla nako ya go buna. Ka tlwaelo se se diragala go tloga mathomong goba magareng a Pherikgong, go ya ka sebjalo. Go laola dibjalo go bohlokwa go kgonthiša gore bontšhi bja diterebe ka palomoka ya poelo ya polasa ka nepo ya go tseba palo ya bašomi bao ba nyakegago go tliša puno. E tla thuša gape go beakanya ditshenyegelo tša puno le kgonagalo ya ditseno. Godimo ga moo, go laola dibjalo go thuša modirabeine go beakanya tiro ya beine ya gagwe le papatšo ya dibeine. Tsela ye kaone ya go tšea sephetho ka go laola dibjalo ke go bala palo ya diboka tša diterebe ka moterebe.
Diterebe tša beine di bunwa ka tekanyokelo ya swikiri:esiti, go ya ka ya setšweletšwa le mokgwa wa beine ye e nyakegago. Tekanyokelo ya swikiri:seiti ke bokaakang bja swikiri le esiti ka diterebeng le taetšo ya go butšwa. Dišupi tše dingwe tša go butšwa ke:
Tekanyetšo ya Swikiri
Boesiti
Mmala
Tšweletšo ya tatso
pH
Tekanyetšo ya Swikiri
Tekanyetšo ya swikiri ka diterebeng e metwa ka ddirišwa tša meta swikiri gomme bitšwa bjalo ka sekala sa balling (°B) - ye lekanago 1.0 gm/100 gm ya go hlaphola meetsana. Colombard ya beine ye tšhweu e ka bunwa ka +/-20°B mola diterebe ka tlwaelo di bunwa bogareng bja 23 le 25°B. Tekanyetšo ya swikiri ye e lego 1°B matšatši a mangwe le a mnagwe a mane eupša e ka oketšega ka go fihla ka 1°B lmatšatši a mangwe le a mangwe e mabedi go ya ka boso. Tekanyetšo ya swikiri e ka fokotšega ka morago ga ge pula goba go nošetšwa ka ge boso bjo borutho bo oketšega bo oketša kgoboketšo ya swikiri.Esiti
Boesiti ka diterebeng bo ka fokotšega ge tekanyetšo ya swikiri e oketšega. Dibeine ka moka di swanetše go ba le maemo a esiti. Ge go se bjalo, beine di tla ba ‘folete' le ka ntle le semelo. Diesiti tša beine tše pedi tša bohlokwa ke eisiti ya tartaric le esiti ya malic. Esiti ya Tartaric ke esiti ye kgolo ka diterebeng gomme e tlatša tatšong le pabalelo ya beine ka ge esiti ya malic ke eisiti e diragalago ka tlhago ye e hwetšwago ka diterebeng. Esiti ya Malic e ka tšhilwa ke twatši ya malolactic go bopa esiti ya lakthiki le khaponetaeoksaete. Maemo a esiti a laolwa ka laborothoring gomme di supšwa ka gram/litara.pH
pH ya beine ke sešupo sa go tlala ga diesete ka diterebeng. Ge pH e le fase, ka fao esiti ya beine e godimo. Tatso, boforeše le hlakahlakano (bja dibeine tše khubedu), di amegilwego gampe ke pH ye e godimo go feta 3,5-3,6. Tše di ka hlalošwa bjalo ka ‘dibeine tše boleta. Beine ye e dirwago go tšwa diterebeng tše di nago le pH ya godimo ga di tsofale botse gomme di tšweletša tatso ye le go ya go "bola" ga bonolo. Go kala pH go bohlokwa kudu ka ge e ka laetša tatso, boemo le mmala wa beine e khubedu. Bobedi boesiti le pH di na le khuetšo ye bohlokwa ya gore o ka beya beine sebaka se se kae.Mmala
Tšweletšo ya mmala diterebeng tša beine e khubedu e thoma ka pela ka Manthole/Pherekgong. Ditlhakantšhetšo tša mmala di a hlomiwa–go noswa le mohlodi wa ditlhakantšhetšo ka tatso–ka dillaga tša disele ka fase fela ga letlalo la terebe. Ka bontšhi bja dibjalo bja dibeine tše khubedu, ke letlalo fela elego la go ba le mmala, mokgopa o dula o le mo tšhweu. Mmala wa beine o tšwa letlalong e sego meetsana – meetsana gantšhi ka diterebeng tše khubedu di a bonagatša. Ge meetsana a bela le matlalo a khubedu, difammala di fetišetšwa go metsaana go dira beine e ‘khubedu'. Mmala o ka laolwa ka laporotori eupša di ka bonwa ka go šila borekhu le kgohla letlalo go bona ge eba mmala o lokollotšwe. Dibjalo tša diterebe tša dibeine tše tšhweu ke tše serolane goba botala bja seetša ka mmala.Ditatso
Dihlopha tše pedi tša ditatso di hwetšwa diterebeng tša beine: ditatso tša diterebe tša tlhago le menkgo ye e sepedišwago ke sekokomoši nakong ya pedišo. Ditatso tša terebe tša tlhago di bopilwego ke terebe ya go swana le muscat tatso ya hanepoot le diterebe tša muscadel. Ditatso tše di hlamilwego nakong ya tshepedišo ya pedišo di ka se kgonego go latswa ka terebeng eupša e hlamilwe ke sekokomoši se se tlatšeleditšwego ka meetsaneng go bediša swikiri ka diterebeng.Translated by Lawrence Ndou