Imiqasa ifunzwa amakhambi omileko nanyana afretjhi, kodwana amakhambi omileko angabanga imiraro, ngaphandle kwalokha nakavangwe nokudla. Lokha amakhambi la asetjenziswa njengepengu kungasi njengokudla okuphiwa imiqasa malanga woke, aphiwa kwaphela imiqasa egulako. Amakhambi la angatjalwa engadini nanyana athengwe ebantwini abawathengisako.
I-Calendula - Calendula Officinalis
Isetjenziselwa amanceba wokutjha, ukubhibhidlha, imivuvu, iinlonda ezingapholi masinya, ama-ulcer, amalwelwe weskhumba, nemiraro yokugaya kokudla ngemathunjini.I-Chamomile - Matricaria Recutita/Chamomilla Recutita
Isusa ubuhlungu, isusa ukuthukwa emqaseni othukiweko. Ihlamba kuhle namahlo womqasa alilako.I-Comfrey - Symphytum Officinale
Isetjenziselwa ukupholisa, ukwakha amathambo, imiqasa egulako, imiqasa egandeleleke ngokomkhumbulo nesbaga, nemiraro yokuphefumula. Yisebenzise ngokuqophelela emiqaseni ema-dwarf ngombana iphethe amakhemikhali ayingozi begodu enenhlanhla.I-Dandelion - Taraxacum Officinale
Lokha i-dandelion ilikhula elizele koke ephasinapha, lilikhula elirhona ukulapha ngendlela erarako. Lisetjenziselwa ukuhlanza iingazi, amalwelwe wokuphefumula, ukuvimbela ukuvuvuka, i-bladder infection, ukuthulula, ikhipha ibisi lokha nakumunyiswako.I-Devils Claw - Harpagophytum Procumbens
Ingeyokufika lapha e-Africa. Isetjenziselwa ubulwelwe bamathambo, imiraro yamajoyini, ukubasteyifu kwemisipha, nokungarhaleli ukudla.I-Echinacea - Echinacea Purpurascens
Ikhuthaza amasotja womzimba, begodu iyi-antibiotic. Lokha ifakwe kancani, idlala indima yokubaskhuthazi nayifakwe khulu ibayi-antibiotic. Ikhandela ukuvuvuka begodu iinethako ezikhandela ama-virus.I-Fennel - Foeniculum Vulgare
Ilikhambi elilungele ukugaya ukudla, begodu ilapha ukuqurhelana, umoya ongemathunjini, ikhuthathaza kanye nokuphuma kwebisi emiqaseni emunyisako.I-Hawthorn - Crataegus Oxyacantha
Imnandi begodu inepilo, ikhuthaza ukurhalela ukudla, beyirhelebhe ukusila ukudla ngemathunjini. Imthombo wama-vitamins kanye nama-minerals ahlukahlukeneko, inezinga elithile le-bioflavonoids elirhelebha ukudosa i-vitamin C. Ingenye yama-tonics ekhamba phambili begodu ephephileko yehliziyo.I-Lemon Balm/Melissa - Melissa Officinalis
I-Mellisa ikhandela ama-bacteria kanye nama-virus, umoya kanye nokuqurhelana begodu iphungula nokugandeleleka ngokomkhumbulo.I-Nasturtium - Tropaeolum Majus
Kulula ukuyitjala njengethuthumbo, iinenthako ezikhandela ukubhibhidlha, iyi-antibiotic, ikhandela nama-antibacteria kanye namantivirus isetjenziselwa nokwelapha ama-parasites wemathunjini.I-Nettle - Urtica Dioica
I-Nettle ijwayelekile, begodu likhula lakade elilaphako, limthombo oregileko we-chlorophyll entjalweni. Lirege khulu nge-lime, sodium kanye ne-chlorine. I-Nettle kukudla komqasa, likhandela amalwelwe amanengi athathelanako, likhandele namayokani. Likhuphula ukukhiqizwa kwebisi, lirhelebha nokungarhaleli ukudla. Linezinga eliphezulu lama-protein kanye ne-iron, begodu kuthiwa lirhelebha khulu ubulwelwe be-eczema, iramatiki nobulwelwe bamathambo.I-Nettles inezinga eliphezulu khulu le-calcium, kanye ne-Ca:P (Calcium kuya ku-Phosphorus). Imthombo omuhle we-silica yenza bona uboya bemiqasa nemfarigi zomango bungaphumi begodu buqinise namathambo wenlwanezi. Lingezelela ibisi emiqaseni emunyisako. Ikhandela amalwelwe athathelanako, ikhandele namanyokani, ikhuphula izinga lebisi emiqaseni emunyisako
I-Parsley - Petroselinum Crispum
Ilikhambi elilunge khulu. Irhelebha imiraro yokuphefumula, imirabho yakhona isetjenziselwa ukuqurhelana nemiraro yamathumbu. Iyipengu ehle ekulapheni ukuvuvuka kwesinya nesinso, ukungagayi kuhle ukudla ekwenzakala ngemathunjini, ukubeletha emaqineni, kanye nokukhiqiza kwemiqasa ebafazi.I-Plantain - Plant ago major
Inamaqemba l akheke ngamkhonto, begodu ajamileko, isitjalo sakhona likhula elijayelekileko elitholakala inarheni yoke yeSewula Africa. Irhelebha ukulapha umuntu osikekileko, i-fever kanye nemiraro yokuphefumula. Ilunge khulu lokha nawuthoma ukupha imiqasa yakho emincani imirorho, sebenza nokujamisa ukuthulula. Amaqembe waso alapha imiraro yokuthunda. Ilungele uwelapha ukuvuvuka kwamathumbu, ilungsa imisebenzi yamathumbu.I-Rosehips - Rosa Species
I-Rosehips mthombo omuhle wemvelo we-vitamins A, C kanye ne-bioflavonoids okumhlobo we-antioxidants. Ukungezelela ekubeni mthombo we-crude fibres, inama-calcium kanye ne-Ca: P (Calcium kuya ku-Phosphorus).I-Rosemary - Rosmarinus Officinalis
i-Rosemary yehlisa i-blood pressure, irhelebha ukuqeda ukudinwa, ukubasbaga nokugandeleleka ngokomkhumbulo emiqaseni. Isiqu kanye nemaqembe wayo arhelebha ukukhamba kwegazi, irhelebhe ukusila ukudla begodu ilungele lokha kumakhaza. i-Rosemary le inenthako zama-fungi kanye nama-insect begodu isetjenziselwa amanyokani.I-Thyme - Thymus Species
Ephasini loke ithyme isetjenziswa njengekhambi labantu kanye nenlwana ngebanga lokobana likhandela pheze woke amalwelwe. liyikhamba elilunge khulu elibulala ema-bacteria, elivula ukuvaleka, ukusila ukudla, ukubulala ama-fungi, nokwelapha.Amaqembe we-Strawberry - Fragaria Vesca
Amaqembe westrawberry azele i-iron. asebenziswa ngaphandle ukuzesa lapha kuvuvuke khona, ikhwekhwe kanye namehlo abuhlungu. Amaqembe westrawberry somango la asebenza kuhle khulu ukwelapha imiqasa erhudako, nokuvuvuka kwesbindi.I-Yarrow - Achillea Millefolium
Ilikhambi elirhelebha ukuthunda, lingasetjenziswa ngaphandle ukurhelebha ukupholisa amanceba. I-Yarrow ivamise ukutjalwa emadleweni wasafuthi ngombana iyipengu, begodu kuhle okuhle okulungele imiqasa esaakhulako. Yelapha imigomani yoke. Irhelebha nokujamisa igazi encebeni elopha khulu. I-Yarow inezinga eliiphezulu le-Calcium.YELELA BONA AMAKHAMBI LA ASETJENZISWA NGOKUQOPHELELA BEGODU AKAJAMISELELI UKUNAKELELWA NGUDOKGODERE WENLWANA WAMAMBALA. NANGABE USOLA BONA UMQASAKHO OMQANI UYAGULA, SIBAWA UTHINTE UDOKGODERE WAKHO WENLWANA.
Translated by Busisiwe Skhosana