Die Franse sjef, banketbakker en distilleerder Nicolas-Francois Appert word beskou as die vader van inmaakery te danke aan sy uitvinding van lugdigte voedselpreservering. Appert het die inmaak van voedsel uitgevind in reaksie op 'n 12 000 frank toekenning wat aangebied is deur Napoleon Bonaparte aan enigeen wat 'n praktiese manier kon uitdink om voedsel te preserveer vir sy leër tydens lang konflikte.
In die afwesigheid van ondersteunende wetenskap op voedselpreservering en bakteriologie het dit Appert veertien jaar geneem om met 'n oplossing te kom. Die meeste van sy toetse was gebaseer op die sterilisasie van voedsel deur dit te kook en dan die kos in lugdigte houers te stoor.
Appert, wat geen formele skoolopleiding gehad het nie, het die wêreld se eerste inmaakfabriek in Massy in 1804 geopen, en het die toekenning van Bonaparte gewen in 1810, ná die publikasie van sy bevinding in Le Livre de tous les menages, ou l'Art de Conserver Hanger Plesieurs Annees Toutes les Stowwe Animales et Vegetables (Die Kuns van die Behoud van Alle Vorme van Dier en Groente Stowwe vir 'n Paar Jaar).
Destyds het dit sowat vyf ure geneem om produkte in glasbottels losweg te plaas en kurkproppe op te sit en daarna in warm water te dompel om dit te steriliseer. Die bottels is dig geseël met kurkproppe en was.
Appert het nooit ten volle verstaan waarom die proses gehelp het om die vrot word van voedsel te voorkom nie. Die rede is eers 'n halfeeu later ontdek, nadat Louis Pasteur die verhouding tussen mikrobes en voedselbederf ontleed het.
Aanvanklik is net glas houers gebruik vir die stoor van die voedsel, maar is vinnig vervang met metaal houers toe die Engelse handelaar Peter Durand in 1810 gepatenteerde blikkies vir hierdie doel ontwerp het. Vandag is inmaakery in staat om kos te bewaar vir meer as drie jaar, wat die vermindering van vermorsing beperk en verbruikers toelaat om hul gunsteling vrugte enige tyd van die jaar te geniet.
Internasionale Inmaakery Mark
Geblikte voedsel verbruik sal na verwagting toeneem teen 'n saamgestelde koers van 3,8% per jaar tot dit 'n waarde van 118 biljoen USD bereik het by 2023, soos beweer word deur die Globale Geblikte Voedsel Mark - Groei, Ontwikkeling en Voorspelling (2018-2023). Die mark word deur 'n paar verwerkers oorheers, wat hul produkte regoor die wêreld verkoop.
Die nuutste tendens in geblikte voedsel is vir maatskappye om te eksperimenteer met die verpakking, en spesifiek om BPA-vry te gaan. BPA staan vir Bisfenol A, 'n sintetiese verbinding wat gekoppel is aan gesondheidsprobleme, asook gedragsprobleme by kinders.
Verwerkers eksperimenteer ook met nuwe resepte, omdat daar kommer is oor die suikerinhoud van ingemaakte vrugte.
Translated by Wilma Koeppen