Viognier

Nhlamuselo

Viognier i nsinya lowu humelerisaka wayeni yo basa, lowungana vuxaka bya kahle swinene na Piedmontese grape, Freisa. Vito leri risuka eka rito raxi-Celtic ringe vidu, leswivulaka ntsandza.

Ntumbuluko

Nsinya lowu wutumbuluka e Dalmatia – laha kutivekaka hi Croatia namuntlha – laha Roman Emperor Marcus Aurelius Equitius Probus, kuvikiwaka leswaku uteke nsinya lowu awuyisa e France kwalomuya ka 280 AD. Nsinya lowu wuhlaseriwe ngopfu hi switsotswani swa phylloxera, leswinga hlasela swinene masimu yale Europe kuya ekuheleni ka 19th Century.

Kwalomu ka malembe yava 1980s, swimilani swale Rhone Valley, leswi hinkarhi wakona akuri ndzhawu leyi ntsena emisaveni hinkwayo leyi ayikhome swimilani swa Viognier nakona swivuye swihunguteka kuya eka 20 ha. Ku duma ka wayeni kuvuye kukula swinene kusukela nkarhi walowo na namuntlha, Viognier sweswi se yibyariwa eka tindzhawu hinkwato leti humelerisaka wayeni.

Mavito Yanwana

Vito ra nsinya lowu rantumbuluko hileri vange i Vugava Bijela naswona ayitiveka tani hi Petit Vionnier na Vionnier.

Kuhumelerisiwa e Afrika Dzonga

Charles Back wale Fairview e Paarl uve na nhlohletelo swinene eka kutisiwa ka Viognier laha Afrika Dzonga. Nsinya wosungula wutisiwile laha tikweni ra Afrika Dzonga hi 1989 naswona Charles uve muhumelerisi wosungula kubyala swimilani leswi no humelerisa tiwayeni ta Viognier hi malembe yava 1990s.

Tindhawu ta Vuhumelerisi

Viognier yahari yintsongo swinene loko swita eka tindzhawu leti humelerisaka wayeni laha Afrika Dzonga. Hambi swiritano yibyariwile eka tindzhawu hinkwato leti humelerisaka wayeni laha tikweni, laha Paarl yingana ndzhawu yikulu yo humelerisa wayeni leyi na masimu, yilandzeriwa hi Swartland na Stellenbosch.

Hambi leswi minsinya yakona yikondzelelaka swinene lomu kuhisaka, tinxaka tohambana hambana na minantswo yaha kumeka ehansi ka maxelo yalawa, xikombiso loko yibyariwile eka maxelo lawa ya hisaka swinene kumbe lawa yanga hola hi ximumu.

Ku Kula

Nsinya wa yona awukulangi ngopfu, kamba hintolovelo wufika eka 6 t/ha kuya eka 8 t/ha.

Ku Vupfa

Yi hatlisa kuvupfa, kusukela emaheleni ya January kuya eka xiphemu xa vumbirhi xa February.

Mihandzu

Mihandzu yakona leyi yivaka yobasa kuya eka rihlaza yi cinca yiva xitshopani kuya eka buraweni loko yivupfile. Mihandzu yakona yintsongo, yivana xivumbeko xa tandza na nhlonge leyi vevukaka. Swalendzeni swina nantswo wakahle swinene wa mihandzu.

Matluka

Matluka ya wona aya kulangi ngopfu naswona iya xirhendzevutani ya tlhela yava na swiphemu swinharhu kuya eka ntlhanu.

Switsotswana na Mavabyi

Minsinya yakona yifanele kusirheleriwa leswaku yitaka yinga tshwi hi dyambu no tiyisisa leswaku kunghena dyambu roringanela. Minsinya leyi ayi kumani na downy mildew naswona yinga khomiwa hi botrytis loko yibyariwe eka misava leyi nga nona.

Kutirhisiwa

Yixavisiwa tani hi wayeni leyi endliweke yoxe kumbe yikatsiwe na tinwana, kungava yo basa kumbe yotshuka tani hi Chardonnay kumbe Shiraz.

Nantswo

Minantswo ya Afrika Dzonga yifananisiwa na lamula, mapecisi, nkatsakanyo wa mihandzu, vulombe na swipayisisi swa matimba.

Translated by Ike Ngobeni