E handle ka kuva mafurha ya hemp ya tirhisiwa eka switirhisiwa swotala swa vumaki kufana nakuva yi pfuneta eka ku oma ka pende, tani hi varnish naku tsakamisa michini, ximilani xa hemp (Cannabis sativa) xinga tirhisiwa ku endla phepha, kususa swilo swa nghozi eka misava xikan’we naku endla mafurha ya swifambo.
Hemp Tani Hi Phepha
Ku tirhisiwa ka hemp ku endla maphepha switlhelela endzhaku swinene kuya kwalomuya ka malembe ya 200-150 B.C. loko e China aya endliwa hikuva ku tsemeleriwa ti sheets ta hemp ti lala. Hiva 7th century, ku akiwile tindzhawu to endla maphepha e Middle East nale China. Ku tirhisiwa ka maphepha ya hemp swindlandlamukile kuya evupela dyambu. Vatsari va ti bibele nati novel vofana na Mark Twain ava tsalela eka phepha ra hemp naswona e tikweni ra Russia hemp ayi tirhisiwa ku endla mali na swigandlu.
Phepha ringa endliwa kusuka eka fibre yo leha swinene kumbe yokoma. Phepha leri endliweke kusuka eka ti fibre to leha ri larile ritlhela ri khwaxela. Phepha leri endliweke kusuka eka fibre tokoma ringava ringa tiyelangi kambe swa olova kuri endla naswona rilulamele ku tirhisiwa masiku hinkwawo. Tlhandla kambirhi, hemp yikahle swinene eka mbango hikuva yiteka ntsena 120 wa masiku kukula kufikela yi vupfa loko ku pimanyisiwa na malembe lawa switekaka wona kuva nsiyna wukula.
Hemp Tani Hi Xitswonga Thyaka
Swimilani swa hemp swinga tirhisiwa eka ndlela yo vuyelerisa misava kusuka endzhaku kaloko yi thyakisiwile, laha swi tswongaka thyaka eka misava kufana na xiponci. Hemp yinga tlhela yitirhisiwa kususa ti radioactive agents eka misava endzhaku kaloko kuve na khombo ra radioactive e Chernobyl e Russia hi lembe ra 1986.
Vulavisisi byin’wana bya 2012 byi komba leswaku hemp yikote ku tswonga hiku hetiseka cadmium kusuka naleka misava. Cadmium hi leswi humaka loko ku humesiwa mafurha yati fossil. Hemp yinga basisa thyaka eka misava kukatsa na tinsimbhi, swidlaya switsotswana, oyili yimbisi na thyaka laha ku cukumetiwaka thyaka. Hemp leyi byariweke eka misava leyinga thyaka ayifanelangi kutirhisiwa hi vanhu.
Hemp Tani Hi Mafurha Ya Swifambo
Valavisisi e University of Connecticut vakume leswaku mafurha ya diesel yanga endliwa kusuka eka tinyungu ta hemp. Vulavisisi bya university byi komba leswaku mafurha ya hemp yana 97% waku kota ku cinceka leswaku yava biodiesel naswona biodiesel yilulamele njhini yin’wana na yin’wana ya diesel. Leswin’wana swinga sala ka ximilani swinga tirhisiwa ku humelerisa ethanol kumbe methanol. Minkarhi yin’wana yivitaniwa “hempanol” kumbe “hempoline” muxaka lowu wa mafurha wu endliwa kuya hi maendlelo ya cellulolysis lawa ya virisaka xikan’we naku vandzekela hemp leswaku kuta huma ethanol. Ethanol yi vandzekeriwa endzhaku kaloko ximilani xi virile naswona methanol yi humelerisiwa endzhaku ka kuvirisiwa ka woody hemp pulp.
Translated by Ike Ngobeni