Kuya hi ndzhavuko wa xi Afrika na Indian (Ayurvedic) murhi wa moringa wuna swilo sworingana 540 leswinga tshungulaka kumbe kusivela kwalomu ka 300 wa swiphiqo swa mavabyi. Wu tirhisiwe ngopfu kuringana malembe yotala ematikweni yale vuhuma dyambu kutshungula mavabyi ya diabetes, mavabyi ya mbilu, anemia, arthritis, liver disease, xikan’we na lawa ya fambelanaka na kuhefemula, nhlonge na mpfuvelo, sweswi wutekiwa tani hi ‘super-food’. Matluka lawa yanga kandziwa, timintsu, mahanti na tipods letinga vupfangiki switirhisiwa hikokwalaho ka swakudya leswinga kona, swisusa ku pfimba, swisirhelela nhlonge nakuva nati antioxidant. Moringa wuna ti vitamins, minerals, xikan’we na ti amino acids ta nkoka emirini, leswi endlaka leswaku wuva nati protein totala. Wutlhela wuva na nhlayo yoringanela yati vitamin C, E, potassium (K), iron (Fe) na zinc (Zn). Ku engetelela kwalano matluka ya moringa yana ti calcium (Ca) naswona yatlhela yava nati vitamin A (beta carotene) ka hkume kutlula ti carrots. Mapa ya moringayanga tirhisiwa kuyimela tipilisi ta iron, leswi endlaka leswaku wutshungula anemia. Nyama ya homu yina 2mg ya iron kasi mapa ya matluka ya moringa yana 28mg ya iron.
E India, matluka ya moringa yatirhisiwa ku antswisa masi ya nwana eka vatswedyani naswona yatala kukatsiwa eka supu ya lentil himinkarhi ya mikhuhlwani ku engetelela nsivelo wa mavabyi yalawo. Matluka, ti gums, timintsu, mabilomu xikanwe nati kernels switirhisiwile ku lawala matiyela ya nhlonge, cardiovascular na xivindzi, ku lulamisa glucose eka ngati na cholesterol. Wutlhela wuva kahle hiti antimicrobial naku pfuneta eka mavabyi ya TB. Eka matiko lawa yaha hluvukaka, mapa ya matluka ya moringa yatirhisiwa tani hi mitsembyani ya mirhi, kungari tani hi swakudya eka vanhu vale Asian. Wutekiwa tani hi swakudya swo engetelela hi vanhu lavangana xitsongwatsongwani xa HIV ku pfuneta masocha ya miri naku lawula ku hlaseriwa hi mavabyi yan’wana. Mhaka yaleswaku moringa wubyaleka hiku olova swiendla leswaku wutshama wurikona ku lulamisa laha swakudya swingariki kona kahle e mirini – ematikweni yo fana na Senegal nale Benin vana vatshunguriwa hi moringa.
Swilo leswi endliwaka hi moringa swikatsa kusuka eka matluka, mapa natipilisi kuya eka ti protein shakes, seed oils, tiya na swinwiwa swa probiotic. Matluka yanga tshoveriwa hiku tsemiwa kusuka e henhla ka ximilani loko xikurile kuringana 1m, leswi siyaka kwalomu ka 30cm. Xibyaleka kahle hi mbewu, kambe xilava nitrogen kuvuyerisa mbuyelo wa kahle. Xitsakela mahiselo yale xikarhi ka 25 kuya eka 30°C na misava yale xikarhil, leyi khomaka mati, kambe xikula kahle eka misava ya vumba.