Ku Cinca Cinca Swimilani
Swihlohleteriwa swinene kuva ku cinca cinciwa swimilani leswi byariwaka tani hi leswi swihungutaka ku tala ka switsotswana swa muxaka wokarhi. Brassicas (xikombiso xa khavichi kumbe mustard) kumbe matamatisi ya tirha ku antswa ku papalata ku byala swinwana swimilani swa ti alliums na swimilani swa marhang leswi nga hlaseriwaka hi switsotswani sweswo kumbe mavabyi lawa yanga hlaselaka garlic. Loko swinga koteki ku cinca cinca swimilani swivula leswaku kufanele ku tirhisiwa mirhi na maendlelo yanwana yaku hlayisa swimilani.Mbuyelo (tonnes hi hectare)
Wa ntolovelo: 8 tonnesWale xikarhi: 10 tonnes
Wa kahle: 15 tonnes
Ntshovelo
Ku tshoveriwa ka garlic hi xitalo switeka kwalomu ka ntlhanu kumbe ntsevu wa tinhweti endzhaku ko byariwa. Loko nkarhi wo tshovela wu tshunela, matluka yata sungula ku wan a kuva buraweni emakumu ka wona kutani ya sungula ku fa. Loko kwalomu ka 50 percent wa matluka ya fa swivula leswaku garlic yiringanerile ku tshoveriwa.Ku tshovela swinga endliwa hi voko kumbe hiku tshoveriwa hi muchini. Rhanga ra garlic rifanele kusungula ri dzudziwa misava kumbe ku ceriwa e hansi ka misava. Laha ku tirhisiwaka mavoko ku tshovela, ku tirhisiwa foroko ku olovisa misava ematlhelo ka marhanga lawa kutani rhanga ri tlakuriwa ringa vaviseki kumbe ku tsemeka kusuka eka tshindi, hikuva sweswo swinga komisa vutomi bya garlic loko yitshamile eka nhlayiso naswona swinga nghenisa mavabyi eka rhanga xikan’we naku ri omisa hi xihatla.
Ntshovelo lowu ku tirhisiwaka muchini ku landzeleriwa maendlelo yofana kambe wu humelela hi ku hatlisa swinene. Loko ku tshoveriwile garlic yifanele ku vekiwa eka mathini lawa ya nghenaka moya kumbe yi bohiwa yi cinkinya hi swikatsa eka ndzhawu leyi moya wuhungaka kahle. Endzhaku ka masiku nyana matluka na timintsu swa tsemiwa kusuka eka rhanga naswona garlic yi rhumeriwa laha yingata vekiwa eka grading naku hlayisiwa.