Kugucula Inhlanyelo
Niyacwayiswa kutsi nilungiselele kugucula inhlanyelo njengoba kukhula tilwanyana. Ema brassicas (njenge makhabishi noma imustard) noma ematamatisi asebenta kahle kepha balekela kuhlanyela lamanye ema alliums netinhlanyelo letitindingilizi letingahlaselwa ngito letilwanyana noma tifo letingahlasela igarlic. Uma kugucula kungasiyo intfo lengenteka ngako kufutsa kanye nenhlanyelo leningi lengafuni kushintshwa ibenekuvikeleka kudzinga kulunngiselelwe.Kukhokha (emathani ngelihekitha)
Kunakekela: emathani lasiphohlongoLinani: emathani lalishumi
Lokukahle: emathani lalishumi nesihlanu
Kuvuna
Kuvunwa kwe garlic kuvama kuba kunyenga yesihlanu kuya kuyesitfupha ngemuva kwekuhlanyelwa. Njengoba sikhatsi sekuvuna sisondzela, lamacembe acala kuwaa aphindze abensundvu kuletihloko bese acala kufa emuva. Atsi emacembe nasekangu 50% lasafile lo garlic angabese uyavunwa.Kuvuna kungenteka ngesandla noma ngemushina wekuvuna. Lesigadla segarlic kumele kucala sitsambe kulomhlabatsi. Kulendlela yekwenta ngesandla, imfologo isetjentiswa ekutsambiseni lomhlabatsi logegelete lesigadla kantsi lesigadla siyaphakanyiswa mahhala ngaphandle kwekubulala lelihlanga, njengoba loku kutonciphisa imphilo yesigogo bese kuveta sigadla se garlic etifenin bese kwenta koma. Labavuna ngemshina benta yona leyondlela kepha ngendlela yekuphangisa. Itsi ingavunwa legarlic kufuna bese iyelashwa ngekutsi ibekwe emigconyeni lenetikhala letifaka umoya noma ilengiswe ngetinyandza endzaweni lepholile, tindzawo letifaka kahle umoya. Ngemuva kwemalanga lambalwa lamacembe kanye netimphandze kuyancutfwa kuletigadla bese legarlic iyamikiswa kuyokalwa bese iyagcinwa.