Kubyariwa
Kubyariwa ka ti carrots swiendliwa hi mbewu naswona ayi simuriwi.Mabyalelo
Mbewu ya ti carrot yibyariwa xikanwe ensinwini etilayinini. Kubyala e tilayinini swiantswa kutlula ku haxa kunene mbewu. Mbewu yifanele yiri eka ku enta ka 25 mm kuya eka 40 mm eka misava leyi rimiweke kahle. Laha yibyariwaka kona akufanelanga kuva ku ente ngopfu kwalomu ka 10 kuya eka 15 mm eka misava ya kahle eka tinhweti leti titimelaka. Kubyala laha kunga enta nyana swa hlohleteriwa hi ximumu loko misava yihatlisa ku oma. Byala eka misava yotsakama notiyisisa leswaku misava yitshama yitsakama.Xipesi
Swimilani leswi swifanele kuva swisiyeriwa xipesi xa 20 cm exikarhi ka swona eka mintila yakuhambana hi 40 kuya ka 50 cm. Ntlimbano wuvula leswaku kuyava na 150 kuya eka 200 waswimilani hi m².Nkarhi wo Byala
Ti carrots tinga byariwa eka tinhweti totala ta lembe loko maxelo yari kahle kuringana kukula ka swimilani. Kambe nkarhi wakahle i August kuya ka October na February kuya ka April.Nkarhi Lowu ku Byariwaka hi Wona
Ti carrots ati simuriwi.Nkarhi wo Kula
100 kuya ka 120 wa masiku.Kunonisa Misava
Swo nonisa misava aswihlohleteriwa kuya hi vulavisisi lebyi abyi endliwile. Kuya hi switsundzuxo, 150 kg/ha wa mpfanganyiso ya manyoro wa 2:3:4 (24) wufanele ku cheriwa e henhla ka misava kufikela eka 20 cm loko kunga se byariwa. Potassium yifanele ku cheriwa endzhaku ka 4 wa mavhiki nakambe endzhaku ka 8 wa mavhiki endzhaku ko byala. Limestone ammonium nitrate yona yifanele kuva eka 100 kuya ka 200 kg/ha anyona yifanele ku cheriwa ehenhla ka misava endzhaku ka 6 wa mavhiki endzhaku ko byala.Ku Cheleta
Loko mbewu yibyariwa rosungula, tiyisisa leswaku misava yitshama yirikarhi yitsakama. Leswi swinga lava leswaku ku cheletiwa masiku hinkwawo. Eka tindzhawu leti titimelaka kufanele ku cheletiwa kufika eka 25 kuya eka 30 mm hi vhiki eka nkarhi woringanela leswaku misava yitshama yirikarhi yitsakama. Laha kukufumelaka misava yita lava 50 mm hi vhiki yo cheletiwa.Translated by Ike Ngobeni