Temo ya Sehwete

Ho Ata

Ho ata ke ka peo mme dihwete di ke ke tsa fetiswa.

Mokgwa wa ho Lema

Peo ya dihwete e jalwa ka kotloloho tshimong ka matswapo. Ho jala mela ho molemo ho feta ho phatlalatswa ho jala. Ho teba ha peo e lokela ho ba dimilimithara tse 25 ho isa ho tse 40 ka dihlabeng tse hlephileng, tse lehlabathe le bobebe. Botebo ba ho lema bo lokela ho ba 10 ho isa ho 15 mm ka mobu o boima haholo le dikgweding tse batang. Ho buellwa ho lema ho tebileng haholo lehlabula ha mobu o omella kapele.
Jala mobung o mongobo mme o boloke mobu o le mongobo.

Ho Arolwa

Dimela di lokela ho arolwa ka disenthimithara tse 20 kahare ho mela e arohaneng le 40 cm ho ya ho 50 cm. Boima ba dimela tse 150 ho isa ho 200 ka makgetlo.

Nako ya ho Jala

Dihwete di ka jalwa dikgweding tse ngata tsa selemo haeba mocheso o nepahetse bakeng sa kgolo e ntle. Empa tlwaelo e ntle ke Phato ho ya ho Mphalane le Hlakola ho fihlela ka Mmesa.

Nako ya ho Lema

Dihwete di ke ke tsa fetiswa

Nako ya ho Hola

Matsatsi a 100 ho isa ho a 120

Ho Hlahisa Ditholwana

Monontsha o lokela ho thehwa ho hlahloba mobu.
E le tataiso e akaretsang, motswako wa 150kg/ha ha 2:3:4 (24) o lokela ho sebediswa mobung o ka hodimo ho 20 cm pele o lema.
Potassium e lokela ho sebediswa ka 4 hape ka dibeke tse 8 ka mora ho lema.
Limestone ya ammonium nitrate ka tekanyo ya 100 ho isa ho 200kg/ha e lokela ho sebediswa e le ho hatisa dibeke tse ka bang 6 ka mora hore o leme.

Ho Nosetsa

Ha peo e qala ho lengwa, mobu o dula o le mongobo. Sena se ka hloka ho nosetsang letsatsi ka leng.
Dibakeng tse phodileng, nosetsa 25 ho isa ho 30 mm ka beke ka dinako tse ding ho netefatsa hore mobu o dula o le mongobo. Ha mocheso o futhumala mobu o ka hloka ho fihlela ho nosetso ya 50 mm ka beke.

Translated by Bongani Matabane