Kukhicita Inhlanyelo Lencane
Kukhicita ngetindumbu futsi ticadzi atisuseki tiyohlanyelwa kulenye indzawo.Indlela Yekuhlanyela
Tindumbu teticadzi tihlanyelwa ngco kulensimu lephakeme. Kuhlanyela ngemalayini kuncono kunekusakata. Letindumbu kumele tibe ngemamilimitha lamashumi lamabili nesihlanu kuya kumashumi lamane ngekuceka, sihlaba lula. Lesisindvo sekuhlanyelela kiso kumele sibephansi kancane lishumi kuya kumamilimitha lalishumi nesihlanu emhlabatsini losindzako nasetinyangeni letibandzako. Kuhlanyela lokuyaphansi kancane kulungela sikhatsi selihlobo lapho khona lomhlabatsi woma ngekushesha.Kulima emhlabatsini lomantana nekugcina umhlaba umantana.
Sikhala
Titjalo kumele tibenetikhala letimasentimitha lamashumi lamabili ngekuhlukana emalayinini lamashumi lamane kuya kulamashumi lasihlanu ngemasentimitha. Kushona kululikhulu nemashumi lasihlanu kuya kumakhulu lamabili etitjalo ngelimitha lesikwele.Sikhatsi Sekulima
Ticadzi tingalinywa tinyanga letiningi emnyakeni umangabe simo selitulu tikahle kwentela kukhula. Kepha sikhatsi lesilungele yinyanga yeNgci kanye naNdlovana kuya kuMabasa.Sikhatsi Sekuhlanyela
Ticandzi ngeke tisuswe tiyohlanyelwa kulenye indzawo.Sikhatsi Sekukhula
Emalanga lalikhulu kulalikhulu nemashumi lamabili.Kuvundzisa
Kukhetsa kwekuvundzisa kumele kusukele ekuchazeni umhlaba. Njengendlela lekhombisako, kuvundzisa lokulikhulu nemashumi lasihlanu emakhilogremi ngelihekitha kwenhlanganisela ya 2:3:4 (24) kumele kusetjentiswe ngetulu kwemasentimitha lamashumi lamabili emhlaba ngaphambi kwekuhlanyela. iPotassium kumele ifakwe evikini lesine phindze nasemavikini esiphohlongo ngemuva kwekuhlanyela.iLimestone ammonium nitrate ezingeni lwelikhulu kuya kumakhulu lamabili emakhilogremi ngelihekitha lekumele ifakwe njengekugcobisa kwangetulu cishe emaviki lasitfupha ngemuva kwekuhlanyela.
Kunisela
Uma indumbu ihlanyelwa kwekucala yiba nesiciniseko kutsi umhlaba usala umantana kancane.Loku kudzinga kunisela onkhe malanga. Etindzaweni letinesimo lesipholile nisela emamilimitha lamashumi lamabili nesihlanu kuya kulamashumi lamatsatfu ngeliviki kwentela kutsi umhlaba uhlala umanti kancane. Etindzaweni letinesimo lesifutfumele lomhlaba ungadzinga kuniselwa lokumamilimitha lamashumi lasihlanu ngeliviki.
Translated by Phindile Malotana