Yini Kungenisa kube Mcoka?
Kungenisa yindlela yekuchutjelwa kwekunyakata kwemanti ngekhatsi esitjalweni. Atsi nje emanti nakasuka emacembeni, emanti advonseka kusuka emhlabatsini, kuhambisa kuncibilika emanutrients ngalesitjalo bese kuya kutinhlayiya tesitjalo kwentela iphotosynthesis. iPhotosynthesis yinchubo ngesikhatsi lapho sitjalo sisebentisa emandla elilanga, emanti nemoya wagesi njenge carbon dioxide kwentela kukhokha tindlela taso temandla, iglucose. Kulenchubo, ioxygen iyakheka.Kwesibili, kungenisa kuyadzingeka kwentela kupholisa sitjalo, kufana nekufoma kwebantfu ngetinsuku letifutfumele.
Kwekugcina, kungenisa kuyadzingeka kwentela kunakekela lokuhamba kwemanti ngekhatsi kutinhlayiya tesitjalo. Loku kuhamba kwemanti kubitwa nge mfutfo we turgor. Kuyasita ekugcineni letinhlayiya kwentela kusekela lesitjalo.
Kwenteka Njani Kungenisa?
Emanti nema nutrients ayatsatfwa timphandze bese ahanjiswa ngalesitjalo. Kuletikhala tetinhlayiya, letikhala phakatsi kwetinhlayiya tesitjalo, emanti ayashintja kusuka kubamanti kwakhe gesi kwentela kwakha umoya wesifutfo. Lonamoya wemanti esifutfo abaleka kusuka kulesitjalo kwengcele kustomata, tikhala letimbalwa kulelicembe lesitjalo – njengetikhala letifomako esikhumbeni sebantfu. Lelinani lestomata libuka lokulahleka kwebumantana kwesitjalo.Intfo lencane kuphela yemanti letsetfelwe etulu nguletimphandze lesetjentiswa ngekhatsi kwalesitjalo. Lolokusele kulahleka ngekungenisa.
Tintfo Letitsintsa Kungenisa
Kungenisa kushiyana ngalesimo sekushisa noma kubandza, umoya kanye nemehluko wemfutfo wemanti esifutfo ngekhatsi nangaphandle kwesitjalo.Letintfo letilandzelako tiphindze tihluphe lelinani lekungenisa:
Simo selitulu. Tintfo te climatological letifana nesimo semoya, lomantana nalofutfumele kanye nekuhhusha. Njengekutsi etimeni tekuhhusha lokomile, kungenela kutophangisa kunesikhatsi setinsuku letipholile letimantana.
Umhlaba. Tintfo letifana netintfo letitfwele emanti esihlabatsi: Kubaphansi lokutfwelwe ngemanti esihlabatsi, kungesikhatsi lamantin afakeka kancane kuletimphandze tesitjalo. Kumhlabatsi welibumba, tikhala letincane emkhatsini wetintfo letincane tesihlabatsi, kanye nemhlaba we saline, lokutfwele luswayi loluphakeme, lelinani lekungenisa nalo liphansi.
Inhlanyelo. Lizinga lekungenisa liphindze liguculwe yinhlobo yenhlanyelo sigaba sekukhula kwenhlanyelo. iXerophytic, lemela somiso, titjalo tincipha lizinga lekungenisa, ngekutsi ivule stomata ngesikhats sakusihlwa. Kuvame kutsi, leti titjalo tibe netinwele emacembeni ato kwentela kunciphisa lokusebenta kwelilanga kanye nemoya wekuhhusha.
Lenye inhlanyelo ingaphindze ivame lestomata ngaphansi kwemanti lamakulu lasesimeni sekukhatsateka.
Tifo tenhlanyelo. Tifo tekubola tetimphandze tinciphisa lelitfuba letimphandze lekubamba emanti ngakoke kuncipha lelizinga lekungenisa.
Kuvikeleka. Titjalo letingaphansi kwenethi yekuvala tingenisa kancane. Loku kungenca yekuvikeleka kancono emoyeni lohhushako kanye nelilanga lelicondzile kanjalo nekufutfumala nebumantana lobuphakeme ngaphansi kwalenethi.
Kukalwa Kanjani Kungenisa?
Lelizinga lekungenisa kwetitjalo lingakalwa ngekusebentisa tindlela letiningi:Lendlela yesintfo kutsi ukale lokwehlukile emhlabatsini wemanti kuletimphandze tesitjalo ngetintfo letisetjentiswako letifana ne tensiometer, resistance blocks ne neutron probes. Lizinga lekungenisa lingaphindze likalwe ngekugcina libanga lesisindvo lesigucukako ku lysimeter nemhlaba longetulu lovalwe ngelikhula noma tjani kwentela kususa umoya wesifutfo semhlabatsi.
Tindlela letiningi letiphuculiwe tekukala kungenisa lizinga tifaka emprobes labekelwe ingunaphakadze emhlabatsini netintfo letihlanganisiwe, ngekuhambisa ngemsakato noma bomahlalekhukhwini, kuya kumacomputer kanjalo netikali-letenta kwenteke kanye netindishi letinkhulu letisitfombe.
Kukala kungenisa etihlahleni tenhlanyelo, fana netitselo, kutsi kukalwe lokwehlako kulomboko ngekutsi kubonwe umehluko kulesikali semboko nooma ngekubeka tintfo-letincane tekukala ngekhatsi noma kulomboko wesihlahla.
Translated by Phindile Malotana