Nouvelle

Inchazelo

iNouvelle yiwayini lemhlophe yase Ningizimu Afrika leyakhiwa nga 1964 ngu Profesa Chris Orffer we Nyuvesi yase Stellebosch ngentalo lengumoya kumasimu emagilebisi. Batali baNouvelle bo Cape Riesling (Crouchen Blanc) na Ugni Blanc (Trebbiano). Nouvelle ukhokha emawayini lamhlophe lanetjananyana lobuhlukile noma ngabe kukhuliswe etindzaweni letifutfumele.

Lapho Tivela Khona

Tivela la Ningizimu Afrika

Lamanye Emagama/Emabito

Ngemalanga alo ekuhlola, iNouvelle yayibitwa ‘Inhlobo yeTjani lemashumi lamabili nesitfupha’.

Kukhicita eNingizimu Afrika

Umlandvo wa Nouvelle uchubekela emuva kwekuhlanyelwa lokuphuculiwe kwe KWV ngulelicembu, lapho khona emavini abehlanyelwa ngetigadla tabomake letincane lebetisetjentiswa uma lentalo yayakhiwe emkhatsini wa 1958 na 1962 ngu Profesa Orffer phindze nangekuya kwelitiko neNdlela yeteliwayini la Ningizimu Afrika (SAWIS) imakethe yekucala yeNouvelle yacalwa/yasungulwa nga 1989 kuncenye yelipulazi lewayini eBoschendal dvute ne Franschhoek.

Tigodzi Lekhicitwa Kito

iNouvelle ihlanyelwa kutotonkhe tindzawo letilima ligilebisi la Ningizimu Afrika nenhlanyelo lekaliwe eRobertson (emahekitha lalikhulu nemashumi lamatsatfu nesitfupha – 136ha), eWorcester (emashumi lasikhombisa nakune emahekitha – 74ha), eBreedekloof (emashumi lasitfupha nesitfupha emahekitha – 66ha) bese ePaarl (emashumi lasihlanu nakune emahekitha – 54ha) kuletigodzi/kuletindzawo.
Lentalo seyikhule kusuka kumahekitha lamashumi lamabili nemfica (29ha) nga 1998 kuya kumahekitha lamakhulu lamane nemashumi lamabili nemfica (429ha) ku 2016. Itsandvwa kakhulu ngema Boland Cellars, nga 2004 Nouvelle wawina Inkomishi yekucala eNingizimu Afrika yekukhombisa Liwayini kumncintiswano weteliwayini ku ‘Lamanye Lamhlophe’ emakilasi.

Kuhluma/Kukhula

iNouvelle yintalo lenelinani lelingetudlwana -inemandla phindze iyaluleka, iyatsatsela kumhlabatsi losemkhatsini nalosetulu.

Kuvutfwa

Yinhlobo lesheshe ivutfwe, iNouvelle ingavunwa ekucaleni kwesikhatsi sayo, phakatsi kwenyanga yeNdlovana.

Emacembe

Emacembe eNouvelle asemkhatsini kuya kulamakhulu, ahlukene katsatfu kuya kulasihlanu, aluhlata lotopele phindze alula ngaphansi.

Emagungumence

Emagungumence eNouvelle mancane kuya kulasemkhatsini, mafisha sandingilizi phindze anelibala lelikhanyako. Lesigogo sicinile, sicishe sibe sikhumba lesenta singavumeli ibotrytis.

Tilokatane Nemagciwane

iNouvelle ingaba ne oidium kanye nemuhlwa lophansi, kepha ayivumelani nemoya. Lentalo lenesitfungo lesilula sikhulisa kungavumeli ebotrytis.

Kusetjentiswa

iNouvelle yatiwa ngekusetjentiswa kuhlanganisa liwayini lelimhlophe ne Semillon, Sauvignon Blanc noma iCape Riesling lokuyiphelelisa kutjani, ku green pepper nasekupheleni kweliwayini lekugcina.

Kuvelela/Sinongo

Nouvelle ukhokha emawayini lanetjani lobucinile, simo sapepper loluhlata. Uma incutfwa ekucaleni leliwayini likhombisa tjani lobuvetiwe kanye nekunaka pepper loluhlata, kepha uma incutfwa nase ivutfwe ngalokuphelele, kuvelela kwechaphisi kuyavela.

Translated by Phindile Malotana