Nouvelle

Nhlamuselo

Nouvelle i madiriva ya Afrika Dzonga yobasa lawa ya humelerisaka wayeni lawa yanga humelerisiwa hi 1964 hi mufi Professor Chris Orffer wale Stellenbosch University hiku tirhisa open-air hybridization eka masimu. Vatswari va Nouvelle’s i Cape Riesling (Crouchen Blanc) na Ugni Blanc (Trebbiano). Madiriva lawa ya Nouvelle yahumelerisa wayeni yobasa leyingana nantswo wokarhi loko ya byariwe eka tindzhawu leti hisaka.

Ntumbuluko

South Africa

Mavito Yan’wana

Eka masiku yavona yaku yiringeta, Nouvelle ayivuriwa ‘Grass 26 varietal’.

Vuhumelerisi e Afrika Dzonga

Matimu ya Nouvelle yatlhelela endzhaku swinene eka xipano xo antswisa xa KWV, laha swimilani aswi byariwa eka ti biloko tokari laha loko maendlelo lawa ayahaku endliwa exikarhi ka 1958 na 1962 hi Professor Orffer naswona kuya hi SA Wine Industry Information & Systems (SAWIS) xiphemu xosungula xa Nouvelle xivuye xivakona kusukela hi 1989 eka xiphemu xa mapurasi ya Boschendal na Franschhoek.

Tindzhawu ta Vuhumelerisis

Nouvelle yibyariwa eka tindzhawu hinkwato ta nkoka leti byalaka madiriva no humelerisa wayeni laha Afrika Dzonga laha kungana swimilani swo khomeka e Robertson (136ha), Worcester (74ha), Breedekloof (66ha) nale tindzhawini ta Paarl (54ha).
Swibyariwa leswi swikurile kusukela eka 29ha hi 1998 kuya 429ha hi 2016. Switekeriwa ngopfu enhlokweni hiva Boland Cellars, hi 2004. Nouvelle yi wine South African Young Wine Show Trophy yosungula laha yinga kuma xidlodlo xa wayeni ya xiyimo eka ‘Other White’.

Ku Kula

Nouvelle i xibyariwa lexi kulaka swinene xitlhela xivuyisa mihandzu naswona yikota ku hanya kahle eka misava leyingana vuswikoti swinene kuphakela swakudya.

Ku Vupfa

Muxaka lowu wa madiriva wu hatlisa swinene kuvupfa, Nouvelle yinga tshoveriwa emasunguleni yale xikarhi ka nguva, exikarhi ka February.

Matluka

Matluka ya Nouvelle iya xiyimo xale xikarhi kuya eka lawakulu, yava na kwalomu ka swiave swinharhu kuya eka ntlhanu, yava na muhlovo wa rihlaza naswona yatlhela ya vevuka.

Mihandzu

Mihandzu ya Nouvelle iyintsongo kuya eka leyoka yinga kulangi ngopfu, yina xivumbeko xa oval yitlhela yiva namihlovo wo vonikela swinene. Nhlonge yakona yitsindziyerile onge i dzovo leswi endlaka leswaku yanga karhatiwi hi botrytis.

Switsotswana na Mavabyi

Nouvelle yi karhatiwa swinene hi oidium na downy mildew,kambe yikota ku kondzelela swinene eka moya wind. Ku hangalaka ka marhavi ya nsinya lowu swiendla leswaku wunga karhatiwi hi botrytis.

Switirhisiwa

Nouvelle yina ndhuma yaku tirhisiwa kuva yikatsiwa na Semillon, Sauvignon Blanc kumbe Cape Riesling lending grassy, green pepper loko kuhumelerisiwa wayeni yohetelela.

Nantswo/Nuhelo

Nouvelle yi humelerisa tiwayeni letingana grassy, green peppery ya xiyimo xale henhla. Loko ntshovelo wuhatlisile kuva kona wayeni leyi yitisa nantswo wa grassy na green pepper, kasi loko ntshovelo wuve kona loko se madiriva ya vupfile swiendla leswaku yiva na nantswo wa bubblegum.

Translated by Ike Ngobeni