Nouvelle

© Vititec

Ihlathululo

I-Nouvelle mhlobo wamaderibe wewayini weSewula Afrika athuthukiswa ngongasekho emhlabeni uPhrofesa Chris Orffer weYunuvsesithi ye-Stellenbosch ngo-1964 ngokuthi enze i-open-air hybridization esimasimininawo. Abazali be-Nouvelle yi-Cape Riesling (Crouchen Blanc) kanye ne-Ugni Blanc (Trebbiano). I- Nouvelle ikhiqiza amawayini amhlophe anobutjani nalokha sele amile eendaweni ezifuthumeleko.

Imvelaphi/Indabuko

Adabuka eSewula Afrika

Amanye Amagamawo

Ngamalanga wawo wokuhlolwa, i-Nouvelle begade ibizwa nge-‘Grass 26 varietal’.

Umkhiqizo weSewula Afrika

Umlando we-Nouvelle ululekela emuva ku-KWV yesiqhema sokuthuthukisa isitjalo, lapho iimvini begade itjalwa khona ngamabhlogwana amancani asetjenziswa nakwenziwa imivango ngo-1958 kanye nango-1962 nguPhrosesa Orffer begodu nangokuya nge-SA Wine Industry Information & Systems (SAWIS) ibhlogwana lokuthoma lentengo le-Nouvelle lahlonywa ngonyaka ka-1989 emuva kweplasi le-Boschendal wine eyise ne-Franschhoek.

Umkhiqizo Eemphandeni

I-Nouvelle itjalwe kizo zoke iindawo ezingezikulu ezimila amaderibe eSewula Afrika, kuthi e-Robertson (136ha) ibenenani eliphezudlwana, Worcester (74ha), Breedekloof (66ha) kanye ne-Paarl (54ha). Isimilwesi simile besakhula ukusuka enanini eli-29ha ngo-1998 ukuya ku-429ha ngo-2016.

Sathokozelwa khulu ngilabo ababizwa nge-Boland Cellars, ngomnyaka ka-2004 i-Nouvelle yathumba ubujamo bokuthoman ngaphasi kwe-South African Young Wine Show Trophy njengeenkutana zewayini keminye imihlobo emhlophe ‘Other White’.

Ukukhula Kwawo

I-Nouvelle mhlobo okhula ngesilinganiso esiphakathi samandla begodu ukhiqiza kuhle nawuse hlabathini yobujamo besilinganiso esiphakathi kanye nesiphezulu sehlabathi.

Ukuvuthwa

Mhlobo ovuthwa kusese nesikhathi, begodu i-Nouvelle le ingavunwa ikhiwe phakathi esikhathini sonyaka, phakathi kwenyanga kaMhlolanja.

Amakari

Amakari we-Nouvelle makhulu ngokuphakathi, aneencenye eentathu zesiphetho ezineempenda, anombala ohlaza satjani okumnyama begodu ayatjhelela encenyeni engaphasi.

Amamomori

Amamomori we-Nouvelle mancani ukuya kewesilinganiso esiphakathi, mafitjhani begodu anombala okhanya khudlwana. Anamakelo aqinileko, pheze akheke njengesikhumba nokungikho lokho ekuwavikela ekonakaleni ekubizwa i-botrytis.

Iintjhabalalisi

I-Nouvelle itshwenywa khulu kukonakala ekubizwa nge-soidium and downy mildew,kodwana ukghona ukujamelana nomoya. Umuthi lo uvame ukulahlekelwa ziimpakana zamaderibe zawo ukwenzela ukuthuthukisa amandlawo wokuvikela i-botrytis.

Umsebenzawo

I-Nouvelle idume khulu ngokusetjenziselwa imivango yamanye amaderibe eSewula Afrika afaka hlangana i-Semillon, Sauvignon Blanc nofana i-Cape Riesling, kanti-ke ngewamawayini womhlobo obizwa nge-lending grassy, green pepper ukuya kilawo wokugcina.

Inambitho

Umhlobo lo ukhiqiza amawayini anamandla wamatshwayo wotjani kanye ne-green pepper. Nakavunwe ngaphambi kwesikhathi akhombisa amatshwayo wotjani newe-green pepper, kodwana nakavunwe avuthwe ngokwaneleko, abanenambitho elikhombisa ama-bubblegum.Translated by Johannes Nkosinathi