Nouvelle

© Vititec

Ṱhaluso

Nouvelle ndi veini tshena ya Afrika Tshipembe yo bveledziwaho nga ṅwaha wa 1964 nga muna wa vhaṋe vho- phurofesa Chris Orffer vha gudedzini ḽa Stellenbosch nga u vulela muya kha muri. Vhabebi vhayo ndi Cape Riesling (Crouchen Blanc) na Ugni Blanc (Trebbiano). I bveledza veini tshena ine ya vha na hatsi naho i tshi khou hula fhethu hu rotholaho.

Vhubvo

Afrika Tshipembe

Manwe Madzina

Nga maḓuvha ayo yo vha i tshi vhidzwa upfi ‘grass 26 Varietal’.

U Bveledzwa kha ḽa Afrika Tshipembe

Uya nga ha ḓivhazwakale yo ṱavhiwa nga vha ṱavhi vha KWV ndi vhone vhe vha ḓo i ṱavha i ṱhukhu, musi i tshi sikiwa nga 1958 na 1962 nga muprofesa Orffer nahone uya nga vha iti vha dzi veini vha ri ya u tou thoma yo vha hone nga 1989 sa tshipiḓa tsha Boschendal veini tsini na Franschhoek.

U Bveledzwa kha Madzingu

Yo ṱavhiwa hoṱhe hune ha bveledzwa veini kha ḽa Afrika Tshipembe, ine nnzhisa ya vha (136ha), Worcester (74ha), Breedekloof (66ha) na Paarl (54ha). Yo no hula ubva kha 29ha nga 1998 uya kha 429ha nga 2016, iya funwa nga vharengi vha Boland Cellars nga 2014, yo vhuya ya thuba tshiphuga tsha uvha yone ya u thoma kha Young Wine Show Trophy ina dzinwe tshena dzavhuḓi.

U Aluwa

Iya hula vhukuma nahone ya bvisa mitshelo ya vhuḓi, nga maanḓa yo wana mavu matete.

U Kaṋiwa

Iya ṱavhanya u kaṋiwa, i kaṋiwa u bva henefha kha ṅwedzi wa Luhuhi.

Maṱari

Maṱari a hone o linganela avha na zwivhanana zwiṱanu kana zwiraru, avha na muvhala mudala, avha matete nga fhasi.

Mitshelo

Mitshelo ya hone yo linganela, ya vha miṱuku na tshivhumbeo tsha ovala, ya vha na muvhala wo thanyaho, wa nga wo ita mukumba zwine zwa thusa kha ulwa na malwadze.

Zwiḽi na Malwadze

Asi zwiḽi zwinzhi zwine zwa i kunda, fhedzi muya uya i tshinyadza ngauri matavhi aya wela fhasi.

Mushumo

I ḓivhelwa u shuma kha veini tshena yo ṱanganiswa na Semillon, Sauvignon blanc kana Cape Riesling.

Muthetshelo/Munukhelelo

I bveledza veini ine yavha na muthetshelo wa hatsi, na green pepper, Arali yo ṱavhanya u kaṋiwa. Fhedzi arali yo lenga u kaṋiwa i ya disa munukhelelo wa bubblegum.

Translated by Khalirendwe Nekhavhambe