Kukhicita Emathani Kuhekitha Linye Ngemnyaka
Silinganiso semkhicito ngelihekitha linya singaba ngamethani lalishumi nesitfupha.
Kuvuna
Kuvunwa kwashaladi wekutsengiswa lomuninging kwentiwa ngemshina. Kumikhicito wetindzawo letincane kanye newasetindlini letiluhlata kungentiwa ngesandla noma njeloku kudula.
Cala kuvuna ekuseni ngesikhatsi simo sekushisa sisesepholile, kepha ngemuva kwekutsi emacembe sekomile. Kuvunwa kwemacembe langaphandle kungacala ngekushesha njengemaviki lalishumi ngemuva kwekuhlanyela letinhlavu.
Labahlanyelela intsengiso lenkhulu bema sikhatsi lesidze bese bavuna tinyandza tonkhe, kujutjwa kwenyandza ikhokhwe lengaba ngemasentimitha lamatsatfu kuya kulasihlanu ngetulu kwemhlabatsi kanye nekwenta linani letinyandza letifunwako. Kwentiwa ngesandla khona lamacembe langaphandle angancutfwa kucala noma lenyandza yonkhe ingajutjwa bese ihleliswa ngelinani.
Kugcinwa
Umkhicito losesemusha: Ngemuva kwekuvuna gcina loshaladi lomusha uku 2°C. loshaladi angagcinwa cishe emalanga lasihlanu kuya kulasikhombisa. Intfo lemcoka letsatfwako noma lenakwako kutsi kugcinwe lamacembe lomile etikhwameni letivalekile. Emacembe lamasha alahlekelwe kuvelela kwako ngekushesha, ngako kubalulekile kuwamaketha bese usebentisa shaladi lomusha lojutjiwe ngekushesha lokukhulu.
Shaladi losemusha angaphindze acobwe bese ugcinwa kumaplasitiki lakhungwe acina bese abekwa lapho kubandza khona kakhulu.
Imuhlwa
Silwanyana lesincane lesimunya ijusi etitjalweni, Tibungu letijubako, Tibungu tetimphandze kanye nemaThrips yimihlwa lejwayelekile.
Tifo
iBotrytis, iDowney Mildew, Kubola Lokupinki kanekubola Lokumhlophe.
Kubalulekile kulandzela kuvikelwa kwenhlanyelo ngendlela lebekwe ngulosebenta ehhovisini noma lowatiko ngenhlanyelo. Lomtsengisi wemakhemikhalo lowatiwko uneluhlelo lelikahle noma angakunika lwati njengemcwayisi lokahle lotfolakalako endzaweni ledvute nalendzawo lekukhicitelwa kiyo.
Translated by Phindile Malotana