Isivuno - Amatani Ehekutheni qobe Nyaka
Esilingeneko ehekutheni matani ayi-16.
Ukuvuna
Ukuvuna kwe-chive enengi etjalwa ngomncopho wokwenza inzuzo kwenziwa ngomtjhini. Lapha kungalinywa khona indawo ekulu kanye nakuma-greenhouse kungenziwa ngezandla nanyana lokho kubiza.
Thoma ukuvuna ekuseni lokha amazinga womtjhiso nakasesephasi, kodwana ngemva kokobana sele omile. Ukuvunwa kwamakari wangaphandle kungathoma msinya kusukela ngeveke yesumi utjale imbewu. Abalimi abakhulu abalima ngomncopho wokwenza inzuzo balinda kuze kuvuthwe yoke i-chive, bayisike lokha nasele iyi-3 ukuya ku-5 cm ngaphezu kwehlabathi. Nange lokhu kwenziwa ngezandla amakari wangaphandle angakhiwa kokuthoma.
Ukubekwa Kwayo
Umkhiqizo ofretjhi: Ngemva kokuvuna beka amakari afretjhi we-chive ku-2°C. I-Chive ingabekwa amalanga ayi-5 ukuya kwayi-7. Into eqakatheke khulu ekufuze uyiqabange kukobana ubeke amakari omileko emabhegeni avaliweko. Amakhambi afretjhi aloba ubumnandi bawo msinya, njeke kuhle ukuwathengisa uwasebenzise afretjhi msinya ngendlela ekungarhonakala ngayo.
I-Chive afretjhi ingasikelelwa ibekwe emabhegeni angangenwa mumoya esiqandisini.
Inunwana
Aphids, Cut Worms, Root Maggots kanye ne-Thrips ngezinye iinunwana ezijayelekileko.
Amalwelwe
Botrytis, Downey Mildew, Pink Rot kanye ne-White rot.
Nange ulandela iindlela ezilungileko zokuvikela iintjalo ozinikezwi-extension officer nanyana i-agronomist. Ibubulo elithengisa amakhemikhali langekhenu lineprogramu elungileko nanyana lingakunikeza ilwazi lokobana ngimuphi umuntu ongakupha iseluleko oseduze kwalapha ukhiqizela khona.
Translated by Busisiwe Prudance Skhosana