Kukhokha - emathani ngeliketha ngemnyaka
Linani: emathani lamashumi lamabili lamasha, emathani lamabili lomile, emashumi lamabili nesihlanu kuya kumashumi lamatsatfu we oyili emalitha
Buhle: emathani lamasha emashumi lamatsatfu kuya etulu, emathani lamatsatfu kuya etulu lomile, emalitha lamashumi lasihlanu kuya etulu we oyilli
Kuvuna
Kuvunwa kwe oregano kwentiwa ngesandla nangemushina kushiyane ngelinani lemsebenti. Emkhicitweni lomncane nasetindliniletiluhlata, kwentiwa ngesandla.Umkhicito lomusha: cala kuvuna kusese kucaleni kwasekuseni ngesikhatsi simo sekushisa sisepholile. Kuvunwa kwetintfo letinsha kungacala kusangena njengemaviki lasiphohlongo ngemuva kwekuhlanyela titjaloletincane.
Umkhicito lowomile: Ngemkhicito lowomile we oregano, kujuba kungacala ngekushesha njnegoba kukhona emacembe lenele kutsi angavunwa. Lokuhluma kwetitjalo kuncutfwa ngaphambi kugcwale kucala kwetimbali ngesikhatsi lo oyili usesigabeni lesisetulu. Lolokujutjiwe kubese komiswa nga 30°C ngekusebentisa kokomisa lokuphocelelwe noma ngekuneka lamacembe emahlatsini cishe emalanga lamashumi lamabili nakunye endzaweni lenetikhala temoya kuphuma elangeni. Ungasebentisi kwekushisisa umoya ngetulu kwa 30°C njengoba kungenta lo oyili ashiye lamacembe akho futsi utobese ulahlekelwa ngutotonkhe tinongo takho kanye nekuvelela.
Kukhicitwa kwe oyili lebalulekile: Oyili lobalulekile kakhulu uphuma ekuvuneni kanye nasekufakeni lamacembe eoregano ngaphambi ayoba yimbali legcwele ngesikhatsi le oyili kulesitjalo inekunuka lokubi kakhulu. Kuvuna kwesibili kwesikhatsi sekucala kuvama kukhokha titjalo letiningi kanye ne oyili leningi.
Kugcina
Umkhicito lomusha: Ngemuva kwekuvuna, gcina le oregano lensha ku 1 kuya ku 2°C. le oregano ingagcinwa emaviki lamabi. Lokufutfumala nebumanti endzaweni yekugcinela kumele kugcinwe ngetulu kwa 95% kwentela kuvikela koma. Emacembe lamasha alahlekelwa kuvelela ngekulungisa kudla ngekushesha kwentela kutsi kube ngulokuhle ekumakethweni nekusebentisa iregano lensha lejutjiwe ngekushesha lokukhulu.Umkhicito lowomile: Lamacembe lomisiwe apakishwa entfweni lecindzetelekako nekushesha lokukhulu kwentela kutsi agcine libala kanye nekuvelela. Gcina ku 10°C. lama oregano lomile angaphindze omiswe ngekwekupakishwa lokuvalekako.
Oyili lobalulekile: Gcina oyili lobalulekile emabhodleleni endzaweni leyomile, lemnyama nalepholile cishe umnyaka munye kuya etinyangeni letilishumi nesiphohlongo ngemuva kwekufakwa emabhodleleni. Ngemuva kwaloku, lo oyili ucala kulahlekelwa bumcoka bawo kanye nelibala.
Tilwanyana Letincane
Timbungulu te mealy, emabhungane etimphumulo, tayobe temuhlwa, ema thrips, ema leaf rollers, ne maminers.Tifo
iAlternaria, powdery mildew-umuhlwa wemphuphu, root rots-kubola kwetimphandze ne rust – kukhuntsa ngutona tinkinga letatiwako.Emacembe esinongo kufana ne oregano kahlekahle anetilwanyana letincane letimbalwa kanye netifo, kepha kumcoka kulandzela kuvikelwa kwenhlanyelo lokushiwe ngulosehhovisi noma losebenta ngetekulima. Lolotsengisa emakhemikhali wasendzaweni uneluhlelo lolukahle noma angakunika lwati ngesecwayiso lesikahle lesikhona ngekuvala endzaweni yekukhicitela.Translated by Phindile Malotana