Mbuyelo - tonnes hi hectare hi lembe
Yo tsakama: 10 tonnes
Yo oma: 1 tonne
Mafurha: 10 kuya eka 20 litres
Yale xikarhi
Yo tsakama: 20 tonnes
Yo oma: 2 tonnes
Mafurha: 25 kuya eka 30 litres
Ya kahle
Yo tsakama: 30+ tonnes
Yo oma: 3+ tonnes
Mafurha: 50+ litres
Ntshovelo
Ntshovelo wa oregano wu endliwa hi mavoko na hi muchini kuya hi vukulu bya purasi. Eka purasi lerintsongo xikan’we nale ka ti greenhouses, swi endliwa hi mavoko.Kuhumelerisiwa ka yotsakama: Sungula ku tshovela wahari mixo swinene loko mahiselo yaha horile. Ntshovelo wa makumu yotsakama wunga sungula loko se kuhundze nhungu wa mavhiki endzhaku ka loko swimilani swibyariwile.
Kuhumelerisiwa ka yo oma: Eka kuhumelerisiwa ka oregano yo oma, ku tsemiwa swinga sungula kusukela loko kuri na matluka yoringanela kutshoveriwa. Kukula ka swimilani swinga tsemetiwa loko kungase sungula kuva ku huma mabilomu loko mafurha yari e maninginingini. Leswi tsemiweke kutani swa omisiwa eka mahiselo ya 30°C hiku tirhisa moya lowu hungusiwaka kumbe hikuva mitsembyani leyi yi nekiwa kuringana 21 wa masiku eka ndzhawu leyingana moya lowu hungaka kahle. Kunga tirhisiwi moya lowu hungaka kutlula 30°C hikuva swita endla leswaku mafurha ya huma eka matluka ya mitsembyana leyi naswona uta lahlekeriwa hi nantswo na aroma.
Kuhumelerisiwa ka mafurha ya nkoka: Mafurha ya kahle ya nkoka ya huma eka ntshovelo xikanwe naku virisiwa ka matluka ya oregano loko yanga se huma mabilomu loko mafurha eka ximilani yahari ema ninginingini. Ntshovelo wa vumbirhi wa nguva yosungula hi xitalo wuvuyerisa kutlula ximilani xikan’we na mafurha yotala.
Nhlayiso
Kuhumelerisiwa ka yotsakama: Endzhaku ka ntshovelo, hlayisa oregano leyi tsakamaka eka 1 kuya eka 2°C. Oregano leyi yinga hlayisiwa kuringana mavhiki mambirhi. Relative humidity eka nhlayiso wufanele wutshama ehenhla ka 95% ku sivela ku lahlekeriwa hi mati. Mitsembyani leyi tsakamaka yi lahlekeriwa hi nantswo wa swakudya hiku hatlisa lero swikahle ku hatlisa ku xavisa naku tirhisa oregano yotsakama leyinga tsemiwa kahle hiku hatlisa.Kuhumelerisiwa ka yo oma: Matluka lawa yanga omisiwa ya pakiwa eka xibye lexinga ngheneki moya hiku hatlisa leswaku yata tama yahari na muhlowo na nantswo wa yona. Yiveki eka 10°C. Oregano leyinga omisiwa yinga gwitsirisiwa endzeni ka xibye lexi pfariweke.
Mafurha ya nkoka: Hlayisa mafurha yankoka lawa yanga e bodlheleni eka ndzhawu leyinga oma, yi dzwihala naswona laha kutitimelaka nyana kuringana lembe kuya eka 18 wa tinhweti endzhaku ko cheriwa e bodlheleni. Endzhaku ka leswi, mafurha yasungula ku lahlekeriwa hi matimba yawona xikan’we na muhlovo.
Switsotswana
Mealy bugs, snout beetles, spider mites, thrips, leaf rollers, nati miners.Mavabyi
Alternaria, powdery mildew, root rots na rhosi hiswona swiphiqo leswinga tala.Mitsembyani leyingana Aroma kufana na oregano hi xitalo yina switsotswani swintsongo na mavabyi, kambe swina nkoka swinene ku landzelela nsirhelelo wa swimilani lowu tsundzuxiwaka hi extension officer kumbe agronomist. Vaxavisi vati khemikhali vale kusuhi vatala kuva na minongonoko ya kahle kumbe vanga avelana hi vuxokoxoko bya kahle lebyikumekaka kwala kusuhi na ndzhawu leyi kungata humelerisiwa kona.Translated by Ike Ngobeni