Kunakekela titjalo tapelepele

© Eric Miller

Kushintja titjalo

Shintja pelepele nalesinye sihlahla lesingafani naso.

Sivuno (bunyebti kuli hecta linye)

Lesinge sinyenti
Lesiphilile: 8 tonnes
Lowomile: 2 tonnes
Lesisemkhatsisini
Lesiphilil: 15 tonnes
Lowomile: 5 tonnes
Lesihle
Lesiphilile: 25+ tonnes
Lowomile: 10+ tonnes

Kuvuna

Kuvuna pelepele lophilile kwentiwa ngesandla usebentisa umese. Kuvuna pelepele lonembala loluhlata kwentiwa kwekucala bese kulandzela pelepele losakhulile lonembala. Lopelepele lonembala nguye lobita imali lesetulu kepha ulahlekelwa sisindvo lesingu 20% ngekusindza, kungenta kusuka kupelepele loluhlata ngemubala kuya kulo bovu ngemubala. Pelepele lowomile, lesitselo siyekelwa kulelo hlatsi kutsi sitokoma elangeni bese siyakhiwa ngesandla noma ngemushini lovunako. Balimi labakhulu labatsengisako bavuna ngemushina kuphela. Tinsimi letinyenti titobonakala bese tiyavuna nasekufike sikhatsi lesikahle.

Kubeka

Ngesikhatsi sekubeka lapho khona pelepele lophilile lohlata nama lobovu ngemubala sovuniwe, ugcinwa endzaweni lephole nga 100C kuya ku 120C. Pelepele lolungiselwa kuyotsengiswa emaketse kufanelwe ungabekwa kundlula emaviki lamabili. Pelepele lowomile ungagcinwa sikhatsi lesidze endzaweni lepholile, leyomile naleshaywa ngumoya kahle lapho khona ingeke ihlangane nemuhlwa ilimate lokuvunile ungakakutsengisi. Pelepele lowomile uma uwuhlalisa sikhatsi lesidze emuva kwekuvunwa ubese uphelelwa bunadzi bawo.

Tilwanyana

Nematodes, Cutworm, American Bollworm, Red Spider, Aphids ne Thrips Mite

Tifo

Powdery Mildew, Tobacco Mosaic Virus, Viral Wilt, Phytophthora, Bacterial Wilt, Botrytis Bacterial Rot ne Bacterial Spot. Kumcoka kutsi ukhulumisane nemuntfu lonelwati, lotokucwayisa kutsi wente njani kubulala tifo letihlasela tihlahla.

Translated by Thandokuhle Motha
 lokundlulile